小草十八怪石鍋米線 (已結業)

見到間餐廳個名已經覺得好特別😆原來佢地主打「半」自製？🫢嘅石鍋米線 配菜 淨米 湯底連同個鍋分開上 靠自己煮埋一齊 除左米線之外 仲有烤魚串燒同埋荷葉飯 款式都幾😍❤️食物 8/10🪨石鍋米線 三餸$48起 六餸$68起 九餸$88起 今次卡路里同朋友兩個人share 嗌左六個餸 分別有 美國肥牛(+$2) 鹵水腩肉 鯛魚片 (+3) 牛丸 五香辣豬軟骨 小草酸辣炸醬 而湯底都揀左酸菜魚湯🐟豬軟骨同腩肉都係預先腌左 好入味 魚片好嫩滑 炸醬嘅酸辣味都好足 湯底有好多酸菜 夠曬酸 超惹味🥹因為係自製 想煮到啲米線幾冧都係視乎自己 店員都會好有耐性教大家點煮 所以唔使擔心🫶🏻石鍋米線其中一個好特別嘅位就係可以保溫好耐❤️‍🔥所以食極啲米線都係暖笠笠 除左米線之外 仲可以揀幼薯粉/公仔麵/飯😋🍢串燒 燒牛舌 $18呢串牛舌反而唔係好有平時食開個種厚切牛舌嘅煙韌感 同埋比較肥同重口味🙁燒韭菜 $13燒得太耐 韭菜好乾😢燒茄子 $28啲蔥比較生 同燒茄子好似有啲唔夾 呢間落埋炸蒜 口感有啲唔同 但調味都好夠🤭整體米線都係好值得一試💖但串燒類就差左少少啦 大家可以試埋佢地嘅人氣荷葉飯🤣🤎服務 9/10