花月庭 (已結業)

星期日去左試花月庭自助早餐，去之前要係佢官網book位。98蚊全包，只星期六同日，朝早7點至10點。個朝我7點去到，已經有人開始食梗，去到7點半越黎越多人。排隊拎奄列10分鐘內就得，唔算要等好耐。麵包都有好多款揀，飲品就有4種咖啡，橙汁，蘋果汁，水等。中式有叉燒包，牛肉燒賣，珍珠雞，鴨粥，腸粉，上海粗炒等，鴨粥可以一試。西式推介都係即煎雞蛋同奄列。其他大路野好似腸仔，煙肉，火腿，薯餅都無乜温度。推介係佢有個茄汁魚柳，煙肉個日好似乾柴咁。仲有沙律，乳酪，即淥粉麵同生果，98蚊其實都好抵食。