影片
更多
2021-06-11
3205 瀏覽
一向幾鍾意啲活化項目，今次就去咗旺角618上海街，逛完懷舊雜貨小店之後就去咗天台嘅蟲二食lunch。餐廳有室內及戶外座位，設計貼合上海街 618 走港式輕復古風，而食物就帶日系嘅風味。.一汁三菜便當 $150🍱一菜：漬物三吃 二菜：日本極上太白63度慢煮蛋 🥚 三菜：高野豆腐豆乳豚肉野菜卷配櫻花蝦 🥬🐷汁：鰹魚昆布高湯 🥣 飯：日本穀米御飯 🍚 便當相當豐富，餐廳仲提供一張說明卡，係食一汁三菜嘅次序及方法教學，好有心思♥︎一食： 將鰹魚昆布高湯倒入日本穀米御飯內， 配以主菜一齊食。不過因為我叫嘅主菜本身有豆乳湯，所以冇跟佢嘅食法。櫻花蝦比一般嘅大隻，微微烤過好香口。豆腐質感綿密，索湯食一流，野菜包住豚肉，保留肉汁及鮮味，味道清新。豆乳湯汁香濃，穀米御飯吸收湯汁嘅精華，非常好味。二食：跟住就將漬物三吃(蓮藕片、牛蒡漬、青瓜漬)及日本慢煮蛋拌入飯中，再倒入鰹魚昆布高湯，飯粒吸收高湯，沾上滑溜嘅蛋液，食完好滿足。.伯爵茶麻糬傳統班㦸 $85 🥞班戟有粟米片及水果伴碟，賣相唔錯。班戟質感厚實，入口有淡淡伯爵茶香，裏面夾有口感軟糯嘅麻糬，再搭配香蕉片、燒海鹽芝士忌廉醬及牛乳雪糕，味道層次豐富。.蟲
.
一汁三菜便當 $150🍱
一菜：漬物三吃
二菜：日本極上太白63度慢煮蛋 🥚
三菜：高野豆腐豆乳豚肉野菜卷配櫻花蝦 🥬🐷
汁：鰹魚昆布高湯 🥣
飯：日本穀米御飯 🍚
便當相當豐富，餐廳仲提供一張說明卡，係食一汁三菜嘅次序及方法教學，好有心思♥︎
一食： 將鰹魚昆布高湯倒入日本穀米御飯內， 配以主菜一齊食。不過因為我叫嘅主菜本身有豆乳湯，所以冇跟佢嘅食法。櫻花蝦比一般嘅大隻，微微烤過好香口。豆腐質感綿密，索湯食一流，野菜包住豚肉，保留肉汁及鮮味，味道清新。豆乳湯汁香濃，穀米御飯吸收湯汁嘅精華，非常好味。
二食：跟住就將漬物三吃(蓮藕片、牛蒡漬、青瓜漬)及日本慢煮蛋拌入飯中，再倒入鰹魚昆布高湯，飯粒吸收高湯，沾上滑溜嘅蛋液，食完好滿足。
.
伯爵茶麻糬傳統班㦸 $85 🥞
班戟有粟米片及水果伴碟，賣相唔錯。班戟質感厚實，入口有淡淡伯爵茶香，裏面夾有口感軟糯嘅麻糬，再搭配香蕉片、燒海鹽芝士忌廉醬及牛乳雪糕，味道層次豐富。
.
蟲二酒釀桂花啡 (凍) $55 🥃
睇menu覺得酒釀桂花同咖啡嘅組合幾特別，所以試吓，估唔到佢哋幾夾。酒釀甜甜地再加上桂花嘅清香花味，中和咖啡嘅苦澀味，飲落順口味道特別。
.
白葡萄茶 (熱) $55 🍵
聞到葡萄香氣，無添加糖水，味道淡香。
.
總括而言：喺旺角鬧市幾難得有環境清靜舒適嘅天台花園餐廳，又可以歎到日系菜式及多款特色甜品飲品，食物質素及味道都幾好。下次去開旺角不妨去chill下，歎個悠閑下午。
張貼
