嘉寶漢堡

營業中

休息中

M 記真係加價加到好貴，而且質素越嚟越差，真係唔想再食佢，今日突然間又想食burger，見到呢間啲價錢都幾經濟實惠，而且啲包嘅賣相好吸引。香辣煙肉磨菇芝士牛堡 $54呢個真係必點啊，成個包勁香！煙肉同蘑菇真係好夾，啲煙肉煎到好香配大量蘑菇🍄‍🟫、芝士同生菜、仲有辣椒粉，成個食落好開胃之餘塊牛肉好厚實，啖啖肉汁。芝士牛堡 $42以芝士同牛肉漢堡為主配搭而成嘅包，牛肉煎好香，簡單嘅配搭都已經夠晒出色。香蔥雞堡 $40雞肉入口嫩滑，配埋生菜同烘乾咗嘅包，啖啖都咬到真材實料，抵食之選。加$18可以轉套餐，有小食同飲品。見到網上好多人大推炸燒賣，呢排喉嚨痛，點住個蒸燒賣食住先😆。