影片
更多
2017-06-29
205 瀏覽
話說朋友生日所以去試，去之前已經做足功課。訂檯時員工態度幾好，我地訂9:30佢地都比我地7:00放定個蛋糕上去。但入座之後既服務又係另一回事，餐廳明顯人手不足。- 一入到去坐左成十幾分鐘，剔左既野食都黎得七七八八，個湯底竟然都未到。揮手叫員工，員工答一聲「係！」然後快速閃走。- 食食下聽到隔離檯有女生哀號叫「唔該～～～」左好幾聲，鬧鐘響咁先有人應，可見我地唔係唯一一檯被冷待的客人。- 要叫侍應加茶加湯都是艱鉅非常的任務。- 食到第二輪有朋友叫左碟貢丸三個字都未到，男職員黑面地說「我地無呢樣野喎」。朋友指著餐單上的「香菇貢丸」比職員睇，對方三分鐘後就死死地氣把貢丸送到。- 食到接近尾聲終於有女侍應主動埋黎斟茶，正感激之際，較高級的女職員走近當著我地的面同女侍應講「喂唔好搞呢d住，幫我開三個位先」。女侍應只有無奈地離開。- 茶壺好鬼細個，斟完一輪已經無哂茶。而我地其實唔介意你擺d茶係出面，等我地自己斟算。- 問及係唔係打卡加分享可以送免費飲品，女侍應答係但絕無意欲過黎check，我地見佢地忙到咁，亦無謂強人所難，由佢算數。- 星期三晚尚且如此，周末可能會更亂。- 見佢地人手不足到咁，本來打
但入座之後既服務又係另一回事，餐廳明顯人手不足。
- 一入到去坐左成十幾分鐘，剔左既野食都黎得七七八八，個湯底竟然都未到。揮手叫員工，員工答一聲「係！」然後快速閃走。
- 食食下聽到隔離檯有女生哀號叫「唔該～～～」左好幾聲，鬧鐘響咁先有人應，可見我地唔係唯一一檯被冷待的客人。
- 要叫侍應加茶加湯都是艱鉅非常的任務。
- 食到第二輪有朋友叫左碟貢丸三個字都未到，男職員黑面地說「我地無呢樣野喎」。朋友指著餐單上的「香菇貢丸」比職員睇，對方三分鐘後就死死地氣把貢丸送到。
- 食到接近尾聲終於有女侍應主動埋黎斟茶，正感激之際，較高級的女職員走近當著我地的面同女侍應講「喂唔好搞呢d住，幫我開三個位先」。女侍應只有無奈地離開。
- 茶壺好鬼細個，斟完一輪已經無哂茶。而我地其實唔介意你擺d茶係出面，等我地自己斟算。
- 問及係唔係打卡加分享可以送免費飲品，女侍應答係但絕無意欲過黎check，我地見佢地忙到咁，亦無謂強人所難，由佢算數。
- 星期三晚尚且如此，周末可能會更亂。
- 見佢地人手不足到咁，本來打算係度切既蛋糕都係拎番走算，拎走既時候員工主動比多個膠袋我地，不過呢蛋糕紙盒上面寫既聯絡電話係錯既……
- 某幾個座位對正風口，非常非常凍。
叫左雙併美人鍋及養生鍋。湯底算是整家餐廳的強項，養生鍋中的烏雞挺入味，生菜、金菇、響鈴呢d味道本身較為清淡的食材吸汁後最好味，反而以「手打」和「自家製作」為招徠既「丸類」和「餃子」就唔算特別，吃得出手打的彈牙口感，但也僅此而已。其他如炸午餐肉、關廟麵等食材都係無驚喜。
野食唔差，但係唔係值呢個價錢就見人見智。埋單9:30後入座7折價錢係$1,025，每人大約$170。明白飲食業難請人，我都唔係要求五星級服務，但當晚我地叫侍應實在難過捉超夢夢。本來「養心」體驗變成了「刃心」……以呢個價錢而論，旺角區唔難搵到更佳服務同食物既餐廳。黎緊銅鑼灣會開分店，希望服務能有所改善啦。
美人湯及養生湯，成餐飯最好既就係個湯底
$180
8 瀏覽
0 讚好
0 留言
張貼
