蘇媽.蘇媽馬來西亞茶餐室

營業中

休息中

約左friend去旺角，咁就一於食蘇媽啦！一放工就去，大約6:45PM到，門口已經有少少人等緊，拎左飛大約10分鐘就入得。平時好少飲港式奶茶，呢杯馬拉拉茶又唔錯喎，茶味幾濃。我鐘意食甜野，咖咉多緊係必點啦，咖咉比較甜，配埋拉茶就啱啱好。不過塊麵包唔夠熱，唔似剛剛烘出黎，如果再熱D就更加正。辣死你嗎配咖喱雞肉，除左雞肉，仲有青瓜、花生、魚干仔、深巴醬做配菜，撈埋椰醬飯一齊食，小小辣，幾惹味，但係塊蝦片太林，扣左分。食完出黎7點半到，門口就好多人等，唔想排隊就要避開放工時間黎喇。