影片
更多
2023-10-07
116 瀏覽
今日同朋友嚟咗呢間貓貓Cafe，位於旺角朗豪坊隔籬嘅朗晴坊，位置十分方便。門口有部自動鞋套機，放隻腳上去就會自動套咗隻鞋，比較方便衛生，唔會將鞋底啲菌帶俾貓貓。我哋嗌咗個二人餐，前菜有柚子醋雜菜沙律同菠菜湯，份量適中，但個湯比較淡口，菠菜味唔係太濃。主菜嗌咗輕煎日本帶子配鹹蛋黃烤南瓜飯同香煎豬梅扒配牛肝菌忌廉汁，南瓜飯個味道比較淡，唔係幾食得出鹹蛋黃同南瓜嘅味道，只係見到飯入面有南瓜粒粒，但見唔到鹹蛋黃粒，有三隻大細適中嘅帶子，但同個飯感覺唔係太夾，整體嚟講唔建議嗌呢個南瓜飯。反而香煎豬梅扒幾有肉味，塊扒幾厚身，咬落去有口感，配埋牛肝菌忌廉汁一齊食幾夾，仲有好多薯角同煎翠玉瓜做配菜，味道唔錯夠飽肚。飲品方面我哋嗌咗星野製茶園星峰同山政小山園式部之昔，其實就係兩杯抹茶拿鐵，不過用咗唔同嘅抹茶粉去沖，飲落唔覺得兩杯有太大分別，抹茶味唔算太出，成杯飲品，只係個貓貓拉花比較出色，襯返貓貓Cafe呢個主題。𣎴過其實去得貓貓Cafe，食物都唔係重點，同貓貓嘅互動先係主菜。呢度有16隻貓貓，唔同嘅品種，唔同嘅性格，大部份都唔怕生，會主動跳上凳同枱面，比客人摸都唔會即刻逃走，仲有一兩隻願意俾人任抱唔嬲
我哋嗌咗個二人餐，前菜有柚子醋雜菜沙律同菠菜湯，份量適中，但個湯比較淡口，菠菜味唔係太濃。主菜嗌咗輕煎日本帶子配鹹蛋黃烤南瓜飯同香煎豬梅扒配牛肝菌忌廉汁，南瓜飯個味道比較淡，唔係幾食得出鹹蛋黃同南瓜嘅味道，只係見到飯入面有南瓜粒粒，但見唔到鹹蛋黃粒，有三隻大細適中嘅帶子，但同個飯感覺唔係太夾，整體嚟講唔建議嗌呢個南瓜飯。反而香煎豬梅扒幾有肉味，塊扒幾厚身，咬落去有口感，配埋牛肝菌忌廉汁一齊食幾夾，仲有好多薯角同煎翠玉瓜做配菜，味道唔錯夠飽肚。
飲品方面我哋嗌咗星野製茶園星峰同山政小山園式部之昔，其實就係兩杯抹茶拿鐵，不過用咗唔同嘅抹茶粉去沖，飲落唔覺得兩杯有太大分別，抹茶味唔算太出，成杯飲品，只係個貓貓拉花比較出色，襯返貓貓Cafe呢個主題。
𣎴過其實去得貓貓Cafe，食物都唔係重點，同貓貓嘅互動先係主菜。呢度有16隻貓貓，唔同嘅品種，唔同嘅性格，大部份都唔怕生，會主動跳上凳同枱面，比客人摸都唔會即刻逃走，仲有一兩隻願意俾人任抱唔嬲，鍾意同貓貓玩嘅朋友可以上嚟邊食邊玩！
📍旺角砵蘭街215號朗晴坊7樓
位置就腳：🍊🍊🍊🍊
餐廳環境：🍊🍊🍊🍊
食物味道：🍊🍊🍊
整體CP值：🍊🍊🍊
星野製茶園星峰
2 瀏覽
0 讚好
0 留言
山政小山園式部之昔
1 瀏覽
0 讚好
0 留言
輕煎日本帶子配鹹蛋黃烤南瓜飯
2 瀏覽
0 讚好
0 留言
香煎豬梅扒配牛肝菌忌廉汁
2 瀏覽
0 讚好
0 留言
菠菜湯
1 瀏覽
0 讚好
0 留言
柚子醋雜菜沙律
1 瀏覽
0 讚好
0 留言
張貼
