WOFT (已結業)

比佢個染布祭$8生蠔吸引黎，新聞話任叫任點，點知職員一黎就話每一次只可以叫四隻，食完先可以再叫！好！第一次上蠔速度都叫快，但蠔好細隻又偏鹹，但$8貨仔算係咁，再叫第二次，今次等左好耐先上，食完之後想再叫多次，點知職員話已經賣曬，當時只係8pm, 真係好質疑職員嘅講，用任點平生蠔做招㣣，但去到其實每人只食到8隻！十分鐘之後，竟然仲見到一模一樣既蠔上其他客既枱，真心想問一下究竟係咪有限點，如果有嘅話點解唔寫到明呢？呢啲咁嘅營商手法真係不敢恭維！！！所以呢間餐廳絕對唔會再黎下一次！！！除咗生蠔，另外仲叫咗炸軟殼蟹窩夫同埋黑松露千層肉醬麵，兩個食物份量偏細，而且都好鹹，我就唔係好啱食啦，鍾意重口味嗰啲應該會鍾意 ！但總括嚟講係依間餐廳嘢食一般，染布祭生蠔伏味超濃，信有得任點就太天真，所以自己唔會再去之餘，亦唔會推介俾朋友！