夏茶 (鴻達樓)

營業中

休息中

夏茶喺元朗非常出名，長期都好多人排隊，好多人都話好飲，啲飲品仲要好多都係餐廳自創; 前排餐廳終於喺旺角開分店，唔洗入到元朗都飲到，旺角分店都係好受歡迎，成日都要排長龍。前排見到餐廳出咗好多開心果特飲，即刻要去試下。🥥開心果椰椰 👍呢杯飲品好適合熱辣辣嘅夏天飲，非常消暑解渴。飲品上層鋪咗一層好厚嘅日本開心果醬奶蓋，奶蓋上面仲有好多開心果碎，而下面就係味道清甜嘅椰子水，椰子水味道比較淡，好適合配開心果，更加突出到開心果嘅味道，開心果迷一定要試下呢杯開心果椰椰。 🍡芝士白玉鮮奶茶 呢個係旺角店限定，飲品面上鋪咗一串白玉，口感非常彈牙，再喺面上灑上滿滿嘅黃豆粉。白玉下面鋪滿一層厚厚嘅芝士奶蓋，帶有少少鹹香，而下層就係香濃嘅鮮奶荼，中和到芝士嘅膩。