影片
更多
2023-03-26
5050 瀏覽
我係韓國炸雞嘅fans，喺旺角好難搵到一間我啱心水嘅炸雞除咗 Yadllie Plate 🐥 室內裝修走韓風路線，店員年青打扮，就像韓國少女，令到用餐氣氛都變得青春熱血。醬油魚介湯鍋 + 烏冬好懷念喺韓國街頭掃街食魚蛋，又好想食日本嘅關東煮，咁就一於叫個醬油魚介湯鍋 + 烏冬懷念一下，回味那種風味。小火爐慢慢細火保持溫度，魚介湯底好清甜，不同款式形狀的韓式魚糕，一串串整齊排列，串好食既時候特別方便。魚糕鮮味食落有彈性，吸收了湯底精華味道，味道跟韓國地道餐廳吃到的差不多，本來想加辛辣麵，唔食得辣嘅朋友最終都係加咗烏冬，男士可以增加飽肚感，其實份量都幾多，幾個朋友 share食都好開心。驚喜二重奏原味炸雞，美國安格斯肉眼呢度最有驚喜嘅係炸雞🍗真係好好食。原味炸雞四件，少吃多滋味，炸雞原來用壓力油炸鍋炸，人手上乾粉特別薄薄的一層，所以炸雞入口皮脆而且薄，肉嫩多汁，一食難忘！秘製醬汁更加不能少，用上廿幾款天然材料製成，高質味道有特色，鍾意蘸醬汁食炸雞的配搭。美國安格斯肉眼放在高溫熱石上枱，遠處就聞到濃郁的牛香氣四溢，可以控制牛扒幾多成熟，牛扒有牛味，口感幾好，味道不錯，不用點醬汁都好吃，十分出
醬油魚介湯鍋 + 烏冬
好懷念喺韓國街頭掃街食魚蛋，又好想食日本嘅關東煮，咁就一於叫個醬油魚介湯鍋 + 烏冬懷念一下，回味那種風味。
小火爐慢慢細火保持溫度，魚介湯底好清甜，不同款式形狀的韓式魚糕，一串串整齊排列，串好食既時候特別方便。
魚糕鮮味食落有彈性，吸收了湯底精華味道，味道跟韓國地道餐廳吃到的差不多，本來想加辛辣麵，唔食得辣嘅朋友最終都係加咗烏冬，男士可以增加飽肚感，其實份量都幾多，幾個朋友 share食都好開心。
驚喜二重奏
原味炸雞，美國安格斯肉眼
呢度最有驚喜嘅係炸雞🍗真係好好食。原味炸雞四件，少吃多滋味，炸雞原來用壓力油炸鍋炸，人手上乾粉特別薄薄的一層，所以炸雞入口皮脆而且薄，肉嫩多汁，一食難忘！
秘製醬汁更加不能少，用上廿幾款天然材料製成，高質味道有特色，鍾意蘸醬汁食炸雞的配搭。
美國安格斯肉眼放在高溫熱石上枱，遠處就聞到濃郁的牛香氣四溢，可以控制牛扒幾多成熟，牛扒有牛味，口感幾好，味道不錯，不用點醬汁都好吃，十分出色。
芝士牛肉玉米片
這個Nachos 有一層牛肉和芝士，下面大堆粟米片🌽食粟米片夾著芝士牛肉，鋪滿芝士和牛肉最真材實料，焗得香脆可口，口感豐富，牛味仲非常濃郁，仲有濃郁芝士香，唔錯。
韓式燒腩串
強力推介韓式燒腩串，真係好有驚喜，好鍾意甜酸韓式醬汁，有咬口的豬肉粒，腩肉油香滿溢，肉質鮮嫩，中間仲有燒菠蘿🍍車厘茄，梅花間竹咁食，味道酸酸甜甜一流。
仲有沙律菜、炸洋蔥圈、柚子醬沙律，清新開胃，同朋友分享真係啱晒！
檸檬雞沙律
擺盤特別精緻，鋪滿雞肉、芝士、檸檬汁沙律🥗入口清新。
藍莓乳酪沙冰
藍莓鮮甜味配上奶香乳酪味道，唔會太甜啱啱好。
青檸薄荷沙冰
清爽冰涼，感覺好 fresh。
草莓雪冰
甜品擺盤非常精緻，草莓綿綿的雪花冰，鮮甜士多啤梨，牛奶冰味道甜甜地，再加上士多啤梨醬，雪糕口感超豐富，味道好夾！
記得要 book 位，Walk in 未必食到㗎！如果 Lunch 時間去食有折扣優惠，CP值更加高！
張貼
