第三站

餐廳裝修簡約，全店採用白色梳化椅，坐得舒服，仲有boardgame提供，啱晒一大班朋友嚟，食下玩下。餐牌有多款Dinner Set選擇，所有套餐都贈送$38飲品一杯，另外仲有特色小食、沙律、甜品，加$38就可享用埋田園沙律及蛋糕，好抵食。炸薯角：炸到熱辣辣，好食到唔停得口。田園沙律：多種新鮮蔬菜，配上日式芝麻醬，開胃前菜。卡邦尼煙肉雜菌意粉：個醬汁煮到好creamy，每一條意粉都被濃濃既忌廉汁包住，而且煮得煙韌，加埋芝士、雜菌和帶鹹香既煙肉片，口感非常豐富。西班牙海蝦辣肉腸燴飯：燴飯煮得粒粒分明，辣肉腸帶微辣，令整個飯倍惹味。藍莓芝士蛋糕：芝士蛋糕好挺身，曲奇餅底，藍莓味道香甜。法國朱古力芝士蛋糕：入口細緻滑溜，唔會太甜，味道啱啱好。士多啤梨朱古力：唧滿cream在頂層，賣相好吸引。總結，食物味道好，出餐快，店員親切有禮，推薦。