影片
更多
2024-08-14
643 瀏覽
旺角有不少樓上Café, 樓上board game café, 真係少見了; 呢間Station 3 Café金雞廣場頂樓, 裝修以白色為主, 店內裝飾簡約時尚, 整潔光猛, 大部分都係梳化位, 仲有一間獨立包廂。門口有個柜擺放了不同Board Game, 而且這裡沒有限時, 很適合相約三五知己來聚聚, 食飽仲可以同Friends 慢慢玩; 午餐嘅餐牌都幾吸引, 價錢合理, 套餐好抵食, 有主食仲送$38以下飲品, 超左都只係補差價, 飲品選項非常之多, 熱嘅果茶, 凍嘅奶昔沙冰都有, 主食每碟都超大份呀! 而且仲可以加$38 要埋田園沙律同蛋糕做甜品。我地要咗兩份Lunch set , 一份加$38要埋田園沙律同蛋糕。田園沙律份量係細碗份量, 但有唔同沙律菜, 例如羅馬生菜, 火箭菜, 蕃茄仔等, 再配上芝麻醬。沙律菜新鮮爽口, 芝麻醬嘅份量量都好適中。香蒜白酒蜆肉意粉 - $80意粉份量都好多, 蜆肉份量勁多; 蒜香味配意粉一定係最夾, 意粉好爽口, 蒜香濃郁, 白酒香氣醉人, 蜆肉鮮甜彈牙, 每一口都充滿海鮮和酒香, 仲加了少少辣椒調味。西班牙海蝦辣肉腸燴飯 - $88蕃茄醬汁燴
我地要咗兩份Lunch set , 一份加$38要埋田園沙律同蛋糕。
田園沙律
份量係細碗份量, 但有唔同沙律菜, 例如羅馬生菜, 火箭菜, 蕃茄仔等, 再配上芝麻醬。沙律菜新鮮爽口, 芝麻醬嘅份量量都好適中。
香蒜白酒蜆肉意粉 - $80
意粉份量都好多, 蜆肉份量勁多; 蒜香味配意粉一定係最夾, 意粉好爽口, 蒜香濃郁, 白酒香氣醉人, 蜆肉鮮甜彈牙, 每一口都充滿海鮮和酒香, 仲加了少少辣椒調味。
西班牙海蝦辣肉腸燴飯 - $88
蕃茄醬汁燴飯, 每粒飯都比蕃茄醬包住, 飯粒柔韌濕潤度唔錯, 酸酸甜甜好開胃, 調味方面做得好好, 成個味道好夾; 辣肉腸有嚼口, 蕃茄汁混和海蝦鮮味, 海蝦都好爽口。
海鮮拼盤 - $128
單點小食, 共有五款炸物, 有香脆嘅炸魚手指, 炸蝦, 炸蟹鉗, 炸帶子, 吉列蠔, 每款3件, 配酸瓜沙律醬; 咁多款中, 我最鐘意魚手指, 魚嘅質地尚算嫩滑, 完全冇腥味, 吉列蠔都唔錯, 唔會好乾, 仲好鮮味。
士多啤梨乳酪 - 補差價+$10
價錢包$38飲品一杯, 補差價+$10要咗杯士多啤梨乳酪; 士多啤梨乳酪加了cream同士多啤梨糖醬, 酸酸甜甜, 乳酪滑順濃郁, 口感綿密細膩, 帶來一股清新嘅果香同乳酪嘅香濃, 好好飲!
西柚沙冰 - 補差價+$8
送上嚟嘅時候真係嚇咗一跳, 杯沙冰高到座山咁, 飲每一啖都感受到濃郁西柚味, 夏天飲佢消暑一流,夠哂大杯, 啱哂一路玩, 一路飲呀!
法國朱古力蛋糕
擺盤都非常之精緻, 呢款係以海綿蛋糕為主, 一共四層, 朱古力蛋糕同朱古力mousses 間住整成, 濕潤軟熟, 面有綠葉形嘅白朱古力同朱古力cream, 朱古力夠香濃, 蛋糕鬆軟。
張貼
