影片
更多
2019-05-29
200 瀏覽
朝10晚9本身已經夠曬餓夠曬攰，放工都得番半條人命，估唔到仲要遇到咁差嘅待遇，認真離譜！第一，入去坐低之前我都已經望一望個牌，睇吓佢收幾點，廢事阻人收工。個牌明明寫住收工收11點，Last Order係10點半，而我入去果刻只係9點15分，我唔明點解佢要一路帶位一路黑面。第二，我點左一客Pizza同一客烤雞，店員同我講「Pizza要等30分鍾，要唔要轉其他？」咁都要轉架啦，我肚餓到死喇大佬，所以就轉左沙律。等左5分鍾，先至嚟左杯啤酒。再等多25分鍾，客炸雞都仲未上！好，咁我就催催佢啦，點知佢話炸雞個爐壞左，炸唔到雞！心諗「咁你唔早講！？」結果我等到9點50分頂唔順埋單走，佢同我講「先生，個沙律就快有喇」我最後都係無食到，因為沙律根本唔會咁耐先出，而且我好質疑緊佢個雞唔係炸唔到，而係唔記得炸，漏 左 單！雖然佢最後free左杯啤酒比我，但係都彌補唔到我受左嘅氣！
第一，入去坐低之前我都已經望一望個牌，睇吓佢收幾點，廢事阻人收工。個牌明明寫住收工收11點，Last Order係10點半，而我入去果刻只係9點15分，我唔明點解佢要一路帶位一路黑面。
第二，我點左一客Pizza同一客烤雞，店員同我講「Pizza要等30分鍾，要唔要轉其他？」咁都要轉架啦，我肚餓到死喇大佬，所以就轉左沙律。等左5分鍾，先至嚟左杯啤酒。再等多25分鍾，客炸雞都仲未上！好，咁我就催催佢啦，點知佢話炸雞個爐壞左，炸唔到雞！心諗「咁你唔早講！？」
結果我等到9點50分頂唔順埋單走，佢同我講「先生，個沙律就快有喇」我最後都係無食到，因為沙律根本唔會咁耐先出，而且我好質疑緊佢個雞唔係炸唔到，而係唔記得炸，漏 左 單！雖然佢最後free左杯啤酒比我，但係都彌補唔到我受左嘅氣！
Hite啤酒
$45
10 瀏覽
0 讚好
0 留言
張貼
