金源小館 (已結業)

第一次寫食評，無諗過係寫劣評。呢間金源，我食左好多年，但從來未試過好似今餐咁激氣。今日午飯時，叫左幾個套餐，其中一個金銀蛋莧菜，個同事仔食食下見到碟菜入面，有隻小昆蟲，驚到食唔到，同亞姐講唔好收我呢個套餐既錢，點知埋單時，收銀同我講，雖然取消左個套餐價既錢，但係因為我地食左個套餐跟既飯，所以要收返我果碗飯個錢!!!!雖然話食得咸魚抵得渴，但咁既服務態度真係好唔得，都已經唔打去食環投訴，只係取消一碟餸啫，都要收返我個飯既錢?!P.S.俾張相做証,雖然影唔到佢招牌,但我係坐係一上樓梯最角落冷氣機底張大圓枱到既。