金源小館 (已結業)

金源小館既小菜做得出色滋味，甜品更係必點，雪糕都有好多特別味，如威士忌，番石榴和愛爾蘭咖啡。地方就稍為逼，特別係多人既時段。山東燒雞（$120）：作為金源小館既招牌菜，每一次食都無令我失望。充滿香蒜味既醬汁淋落撕開雞肉，下面就鋪左齋雞土魷蒸肉餅（$60）：有馬蹄香菇既土魷肉餅好足料，好有大排擋小菜風味豉椒蟶子皇（時價）：老細當日推介蟶子皇，豉椒汁炒得香口微辣，每人一大件係好滿足！威士忌雪糕（$18）：金源小館晚飯總會送甜品豆腐花/南瓜露，但餐廳既自製雪糕總叫人難以抗拒！威士忌雪糕帶有酒香既威士忌味，超特別！

The local favorite has a reputation of the delicious dessert. Puddings are great choices, don't leave without them. Shadong chicken is easily the hottest item here. Soy sauce marinated chicken but served cold with a yummy garlic sauce with a bed of even yummier tofus, the taste of chicken did not disappoint. I also order a side veggies because the veggies fried in old style Hong Kong wok is the best!#hungry #香港美食 #pandaeatshk #hkfoodblogger #hkgoodeats #hkfoodblog #hkfoodie #hkigfood #全力食 #hkfoo

好好好食！好旺場。因為即興，冇訂枱，6:15pm到達，已經有人在內。大多是訂枱客人。2個人食，叫了山東雞，半隻。超級好味，不停食，食到尾才記起要影相。超多蒜，香口，雞肉滑。可能因為是必叫菜式，一早準備好，不到5分鐘已經上枱，即食！我見枱枱都有叫。這個啫啫通菜煲，本來冇乜期望。但是超好食！夠熱，夠香，夠多！食食下發覺煲內還有魷魚乾粒，冬菇及蝦米！必食！張相，已經食左2/3。點了蒜茸蒸蝦，不過不失。這類店，最怕服務差。不過，出奇地好！又會自動換碟。但環境比較舊，而且客多，大家會自動交枱。是2小時內的大圍舊同學舊同事食好嘢的好地方，之後去酒吧飲嘢。

感覺上，山東燒雞就係一隻來自山東既雞，就好似青遠雞嗰啲一樣，尋日同事提議我地一齊過來食Lunch, 未食過就試下囉。。估唔到未到門口，離遠己經見到有一大班人聚係門口，正諗住想轉場時，同事話「一早訂左位」，所以我地就心存興幸咁走過去。但係訂左位，原來都要係門口等10幾分鐘，雖然Lunch 時間得1個鐘，但職員都好識做，係門口幫我地點定菜，一坐低就食得。。抵讚👍🏻👍🏻👍🏻😊😊山東燒雞，未去餐廳同事己經話必試，一坐低，店員就俾左一碟餸俾我地，因為太多蒜容既關係，所以我並唔知佢就係今日既主角山東燒雞，直到同事夾一舊雞俾我，我先知道。講返隻雞先，今日食飯都係靠同事發板，所以有咩食我都唔係好知，可能因為咁，所以有啲驚喜。。雞係好食嘅，但更值得欣賞嘅係墊底既齋豆腐，吸晒啲蒜香。好好食。接住再上就係香醋骨，呢個骨真係好香，用嘅係甜醋，唔會過酸，啲用質唔嚡，好好味。再來就油蜜菜，好甜好好食，不過都唔少油。最後係蝦仁炒蛋，蝦好彈牙又大隻，蛋又香，屋企餸但好好味。Overall 來講，我幾欣賞佢所有餸都係即整，熱辣辣咁上枱，因為啲菜太好食，結果食晒成碗飯，肥死我了。😂😂😂

去灣仔金源小館，無論係lunch定dinner。Book咗台都好，都必定要等位。大概等咗15分鐘，三位嘅我哋，要同另外兩位素未謀面嘅食客搭台。晚餐嘅餐牌，同午餐其實係一樣。當然一定要叫山東燒雞啦，其實我朋友係唔食蒜。老闆二話不說，就冧咗啲蒜汁。啲雞好滑，水準依舊。但如果係熱的話，就會加分好多。無幾耐，鎮江骨就出場啦。如果你需要碟餸撈飯，你一定要叫佢。食過金源咁多次，第一次叫上抽蝦。味道好好，但啲蝦嘅質數就差咗啲啦。雪藏蝦，如果係新鮮蝦，或蝦碌，一定會好好多。最後就係啫啫芥蘭煲。個煲內，有新鮮魷魚，所以好惹味！最後，老闆仲送咗每日新鮮做嘅豆腐花嘅我哋嘆。都係個句，如果係熱的話。會高分啲羅。總結嚟講，係間值得推薦嘅廣東小炒店。

金源小館呢間真係好有驚喜😋😋收工想去食下小菜，無意中搵到呢一間 🐥呢間既山東燒雞好好食！d 飯未到我地已經差唔多食哂！好多蒜好野味，又唔會太咸，雞肉都幾滑，再去食一定會再叫！🤤🐟我地仲叫左椒鹽白飯魚，原本對呢個期望唔係好高，但食落又幾好食，岩岩炸起夠熱又鬆化，雖然係椒鹽，但又係太咸，不過要熱食先好食，凍左就差咁d🤧🍲最後我地加碼試埋豆腐煲，可能係前兩道餸太好食，呢個煲略為普通，但都幾好味，豆腐非常多，枝竹亦夠淋唔會太硬👍🏻😻我地兩個人去食，叫左三個餸加白飯同啤酒，差唔多食完果陣店員仲問我地食唔食甜品，佢請左我地一人一碗豆腐花，真係好warm呀！😭💰呢餐食左$343, 相信下次兩個人去叫兩個餸已經好足夠評分🙌🏻味道：8.5/10環境：7/10價錢：7/10地址🏠：金源小館 (灣仔)灣仔大王東街3號大旺樓地舖

30/4/2019 星期二，又係時候聚一聚，ladies night賀 Director 升職加薪！朋友揀金源小館，喜歡佢嘅山東燒雞！地下店舖面積不很大，原來仲有閣樓。我哋訂了枱，要人齊才可以入座，不過可以預先落單。我哋五人，叫了套餐，再加兩碟餸，一入座就已經有是日例湯 及 山東燒雞，其他餸菜都好快送到。款款食物都好食，特別係金沙蝦好正。最後仲有糖水，我哋揀咗凍豆腐花及熱南瓜湯底椰，好滑口。由於店舖不很大，如果人客傾計笑聲大一點，就好嘈，今晚有一大枱客，男男女女，太開心喇，傾計大聲，笑聲仲勁，我哋幾位傾計，差點聽不到對面位的朋友講什麼！店舖好好生意，客似雲來，一定係食物及價錢吸引！

要食好食既小菜通常都會唸起大排檔，而家既大排檔好多翻新之後都變左連鎖店，總係覺得又係大集團既口味，間間都差唔多味而且冇悉日既味道......今日同男朋友happy friday 大家都想食中餐，唸起上次行過見到呢間食小菜一於去試下，我地兩個人叫左半隻山東燒雞，魚香茄子煲，兩隻蟶子同埋一支啤酒，份量都幾大碟，埋單都係300蚊左右，唔洗加一最欣賞既係山東燒雞，唔知點解半隻好似好大份咁，明明係半隻但好似好多雞脾肉，一黎到見到雞上面有一大堆蒜蓉，待應叫我地浸一浸隻雞先食會好味D，鐘意食蒜蓉既我已經等唔切，食落已經好入味，雞肉都好滑，D雞皮自己就食D唔食D因為都幾厚皮。魚香茄子煲就一大煲，鐘意佢多肉碎拎黎撈飯一流，而且冇平時個D咁大陣咸魚味，啱晒我哈哈。至於待應介紹既蟶子 $35 一隻，我地叫左一人一隻比想像中大隻，用鼓椒黎炒好香，一隻真係唔多夠，令我地決定下次再黎試下個鼓椒 走既時代，發現都幾多人等位，好彩我地黎得早唔洗等，開心

灣仔旺場抵食小菜🥬🍲.幾個同事食lunch點幾個小菜share都係唔錯既選擇🤩呢間仲要夠晒快靚正平，難怪午餐時間咁爆場‼️四人可點一個$228套餐，套餐有兩餸+菜+例湯，另外單點一個小菜都好夠👍🏻.山東燒雞🐔半隻呢隻雞係必點🤩雖然都係雪藏feel雞味唔算特別重，但佢蒜茸豉油汁搭夠，店員淋落隻雞嗰下好治癒😂雞肉都幾多同埋滑，蒜蓉有幾香就唔洗小編特別講吧😌.粟米班塊🌽🐠雖然話粟米班塊唔係特別餸，不過出街食小菜黎講，都真係送飯既好選擇🤩啲魚又唔腥又啖啖肉，脆脆地又有汁，正啦！.椒鹽骨🐖即叫即炸所以上枱勁熱辣辣🔥放埋蒜蓉、蔥同辣椒🌶️確實好香～而且勁厚身！不過略嫌硬左少少，豬扒未夠林同鬆化😉.例湯質素好高，好清甜解渴，平均每人飲到兩碗🥣菜就可以自由選擇，今次食油麥菜，真係超級大碟，份量多過平日屋企煮🥬🥬

><為咗earl grey tea pudding慕名而來菠蘿咕嚕肉($60)1245前離座埋單就$48第一反應係 好大碟 穫氣夠平時酒樓嗌小菜都碟頭都冇咁大食唔哂d咕嚕肉 要打包拎走幾個人嚟食仲可以試多d款式伯爵奶茶雞蛋布甸($18)中式餐館又會整埋甜品 幾有趣淡淡嘅茶味 布甸都滑捋捋但硬係覺得有陣雪櫃味><><><><><><><><><><><><金源小館 Your Restaurant灣仔大王東街3號大旺樓地舖

有些菜式, 存在的意義就是用來送飯, 正如金源小館的山東燒雞一樣. 金源的裝修就是地道的大排檔, 和山東菜的關係真的看不出來, 但其山東燒雞就是令我一試難忘! 燒雞皮肉分離, 無論是胸或脾肉也是燒得腍而Juicy, 皮不脆, 但在吸收的醬汁之後, 出奇地滑! 充滿蒜頭的醬汁是這菜式的靈魂, 咸甜兼備, 再加上蒜蓉的辛, 在底下的素雞吸收了雞汁和醬汁的精華, 有時不知誰是主角呢! (笑) 說起送飯, 將醬汁淋上飯當然是最直接的食法, 但是作為冷盤的燒雞再配上暖暖的飯, 享受一冷一熱的衝擊, 又是一件快事!

Ordered dinner take out, 3 dishes, 2 soup and 1 rice. Initially told me to the order will take about 20-25 minutes to complete. Asked me to pay upfront and I did.Noted on the wait so went to Taste supermarket and bought groceries. After about 30 minutes, went back to the restaurant, expecting the take out to be ready since I’ve waited for more than the time they expected.Arrived at the restaurant, the staff saw me at the door and thought I was a new customer. I told them I had ordered take out f

位於大王東街的金源小館， 店子細細，但熟客多多，我們該晚是星期一，但依然其門如市。 金源就是屬於這類街坊小炒店，以家常小菜為主，不求什麼驚喜，最緊要夠鑊氣。 有些小菜是要預訂的，例如招牌的「山東燒雞」。 「鎮江香醋骨」也是招牌菜，煮得十分鬆化，汁料亦很入味，這樣的肉，一定要跟白飯才滿意! 這店的甜品亦相當有名，尤其燉蛋和木糠布甸都是招牌菜。

同屋企人尼灣仔行，行到夜晚尼左e間聽聞好似唔錯的餐廳，係食中菜嫁沙爹金菇肥牛煲 沙嗲味唔算好重 肥牛真係肥牛 瘦的部分極之少 粉絲有好多好入味 但整個煲都好油支竹薑蔥魚腩煲 蔥一定要食因為爆得好香 支竹易都好淋 魚腩都有好多，好大嚿，而且都有好多肉 但食嘅時候要小心因為有好多骨豉油王炒麵 份量有好多 個麵都幾香但係唔會太鹹 不過麵有少少乾身甜品係南瓜露 好滑好creamy好香， 本身我唔鍾意食南瓜露都幾鍾意佢嘅南瓜露 雖然係糖水但係唔會太甜

I have had countless meals here because it is affordable and delicious!Not sure how long this restaurant can stay here until someone there retires or the street gets redeveloped as Wanchai is getting a new look.The interior of this restaurant is fascinating as there are some Western elements in it.To finish a satisfying meal, the silky tofu floating in sweet syrup is always served.It looks sweet but it is not and the tofu is soft and silky with a strong soy bean taste.