Angel & Devil (已結業)

大約2星期前book左2人tea set, 今日準時去到，門口職員傾緊電話未能帶位，等左3分鐘有同事幫手。安排了近outdoor area既窗邊位，好熱，仲好多昆蟲。第一隻爬我隻腳，我諗住近outdoor area就由得佢。點知第二第三隻出現了，喺張枱爬，我拍扁左一隻。同侍應問可否轉位，佢話: book哂喇 就走左去。再同另一個反映，指住枱面昆蟲屍，佢幫我安排坐另一個廁所門口位。期間有揾侍應幫手影合照，佢影完3張就唔耐煩反個白眼。然後有另一個侍應踢到我張櫈但扮冇事食物方面有驚喜既，mocktail好好飲，柑橘scone好特別。餐廳有提供打卡工具，都見到有些學生好興奮打卡。如果想試下high tea，呢度平平地都可以。但如果食開酒店級數，呢度環境service真係麻麻。