鱈卵屋 (已結業)

之前係福岡旅行食左好多明太子野，今日想搵返個味，鱈卵屋係不二之選!!!一見到餐牌忍唔住要叫原味極上明太子，聽講原料同調味料都係嚴格挑選，淨食會有d鹹鹹，但撈飯食一流！再加埋我呢支來自福岡，感覺辣口的繁桝經典清酒(純米酒)，我去似去左日本一趟咁！之後又叫左人氣之選1鬆軟明太子上灌蛋卷，比普通蛋卷更香更濃，中間明太太多到流哂出黎又甜又鹹好正！再黎炸竹輪魚蛋明太子，呢個比我最大驚喜，真正外脆內軟，裡面既紫菜炸到超級香，成個卷都好match!跟住係重頭戲三文魚拼三文魚子鱈卵碗，待應好細心教我地點食，首先唔落配料食，食到刺身既原味，落左配料後感覺似壽司，有紫菜同醃料味，之後加湯變成茶漬飯，湯有淡淡既木魚味，冇咁漏！而鱈卵3色刺身拼盤，包括三文魚明太子、博多芝麻醬油甘魚同辣味沙律吞拿魚刺身。睇上去以為得好少，食落原來好多味道方面，油甘魚魚油好多，吞拿魚就較普通，被沙律醬蓋過，但三文魚明太子好配，明太子點綴左三文魚，但所有刺身都好新鮮，冇因爲有醬已用劣質刺身！P.S. 待應服務好好，真係好似置身係日本！