一鳴屋台料理

營業中

休息中

上水嘅日式餐廳選擇嚟算好多，今次晚餐就揀咗一鳴屋台料理。燒鳥拼盤可以一次過食勻依度嘅雞肉串燒，餐牌無寫明係邊款免治雞肉棒，原來係我最喜歡嘅月見醬油！雞肉棒配生蛋黃幾時都係咁夾！雞軟骨燒得脆口，雞腎一粒山椒粉另一粒係七味粉，雞髀肉同雞翼都保持到嫩口🐓另外叫咗山椒汁燒廣島蠔，味道比較濃烈微辣，京蔥剛好做番個平衡，再食下一隻蠔🦪明太子海鮮雜錦御好燒好好食，海鮮係大大隻嘅蝦仁、海量魷魚章魚、櫻花蝦，超級足料，餡料絕對係比粉漿多，雖然依類御好燒通常係配蛋黃醬同照燒汁，但依個明太子風味都唔錯，好喜歡裏面加咗紅薑🥢仲有叫咗胡麻醬豆腐沙律🥗今次見到好多人嚟到係食拉麵，下次有機會都可以試下！