鱈卵屋 (已結業)

其實好耐以前，我已經係好鍾意食明太子，估唔到原來香港有一間以明太子做主菜嘅食店，身為擁躉嘅我又係時候去試吓！地點喺銅鑼灣廣場附近好就腳。食物選擇有好多。仲有啲特別係春天嘅時令菜式。明太子醬鐵板薯條上枱時熱辣辣，店員將明太子醬到想薯條上面立刻"炸"一聲，音響效果一流！薯條好脆，明太子醬超惹味！如果shake shake薯條又明太子粉就好啦！因為真係好夾！明太子玉子卷蛋味好濃，而且好滑！中間明太子同蛋味道混和！上邊有少少蔥花調味。明太子牛油果吞拿魚沙律，味道比想像中夾。整體可以。明太子雞翼好香脆， 而且已經係單骨方便進食。鐵板明太子又有粟米，鹹鹹香香，粟米飽滿多汁。原來牛油粟米加上明太子又係另一個層次。明太子生蠔多士，好夠大隻多肉，多士 鬆脆。明太子三文魚刺身反而感覺一般，三文魚都好新鮮， 但得意明太子蓋過三文魚嘅鮮味。個人還是喜歡食刺身多點。呢圖整體食物水準不錯，服務優良，侍應經常幫忙，態度好好，這就是日本人餐廳嘅好處。不過可能冷氣太大所以食物凍得好快，希望廚房同埋樓面都注意一下。廚房可以將食物煮熱啲，樓面可以留意空調會唔會太大，或是否直接吹落食物。