影片
更多
2010-09-25
373 瀏覽
6月30日, 明將壽司呢期大熱, 人人紛紛爭住要去破地獄… 我地N年前食過灣仔店, 其實又唔係想像中咁差je… 莫非真係要黎西九分店方為地獄正宗? 見呀比一日到黑都話要去食明將, 我地就決定黎呢度睇下係咪真係咁大鑊!入座先被告知係無餐牌嘅~ 你可以拎迴轉帶d壽司或者落order~ 好啦~ 就即管亂up下d壽司試下先! $48位連加一~ gogogo!::: 三文魚壽司 ::: 唔… 個樣同百佳壽司差唔多~ 不過舊飯好似再大舊些少… 食落個三文魚都有少少魚味, d飯都幾散, 但味道其實又唔算好差嘅…::: 肉鬆壽司 ::: ok wor! 好似屋企飯咁囉~ 唔好當佢係壽司… 就當係紫菜肉鬆飯, 基本上呢三樣野溝埋都唔會好難食嘅.::: 甜蝦壽司 ::: 條蝦真係擺得好衰囉… 係咪孤寒到比多條蝦都唔得呢?!?! 又或者d飯可以唔洗咁大舊囉… 家陣咁樣真係好難接受…::: 鮑魚壽司 ::: 鮑魚其實係螺片下話? 味道正正常常啦~ 係塊紫菜淋咗d…::: 吞拿魚沙律軍艦 ::: 真係好似嘔吐物… 要鼓起無限勇氣先敢喺個迴轉帶度拎佢落黎! 先唔望面頭pat野, 圍邊塊紫菜真係霉得離譜!!
入座先被告知係無餐牌嘅~ 你可以拎迴轉帶d壽司或者落order~ 好啦~ 就即管亂up下d壽司試下先! $48位連加一~ gogogo!
::: 三文魚壽司 :::
唔… 個樣同百佳壽司差唔多~ 不過舊飯好似再大舊些少… 食落個三文魚都有少少魚味, d飯都幾散, 但味道其實又唔算好差嘅…
::: 肉鬆壽司 :::
ok wor! 好似屋企飯咁囉~ 唔好當佢係壽司… 就當係紫菜肉鬆飯, 基本上呢三樣野溝埋都唔會好難食嘅.
::: 甜蝦壽司 :::
條蝦真係擺得好衰囉… 係咪孤寒到比多條蝦都唔得呢?!?! 又或者d飯可以唔洗咁大舊囉… 家陣咁樣真係好難接受…
::: 鮑魚壽司 :::
鮑魚其實係螺片下話? 味道正正常常啦~ 係塊紫菜淋咗d…
::: 吞拿魚沙律軍艦 :::
真係好似嘔吐物… 要鼓起無限勇氣先敢喺個迴轉帶度拎佢落黎! 先唔望面頭pat野, 圍邊塊紫菜真係霉得離譜!! 至於pat嘔吐物呢, 除咗個樣核突d, d沙律醬稀d吞拿魚少d塊紫菜淋d之外… 味道係“正常” 嘅…
::: 蟹籽沙律軍艦 :::
懷疑呢度d沙律都係好一patpat… 不過呢個蟹籽沙律有d青瓜絲可以咬下叫做無咁似嘔野… 味道ok普通蟹籽沙律咁囉… 又唔算好差.
::: 粟米軍艦 :::
d紫菜繼續霉霉淋淋… d粟米雖然都expect係罐頭粟米, 但好硬同埋無乜味…no good!!
::: 蟹柳壽司 :::
個蟹柳硬而無味… 而且好乾水… 都ok難食呀呢個!
::: 鴨胸壽司 :::
呢個配搭, 只能夠講, 當食緊鴨胸飯… 但個鴨胸係ok嘅!
::: 炸帶子壽司 :::
個樣好cute! 但其實粒帶子頗硬, 當然亦唔好期望佢有帶子味啦! 但當佢係d香口炸野都可以接受到~
::: 炸蝦壽司 :::
同炸帶子個樣差唔多, 質地亦同炸帶子差唔多硬身. 無蝦味亦係意料之內~ 完.
::: 腐皮壽司 :::
個腐皮都幾乾瘦, 味道亦比一般腐皮壽司淡… 但尚算接受到!
::: 饅魚壽司 :::
饅魚都係好乾, 仲有幾多骨…
::: 螺肉軍艦 :::
d紫菜keep住好霉! 但d螺肉味道ok! 都係當佢螺肉飯食算啦~
::: 八爪魚軍艦 :::
芝麻八爪魚幾好味~ 算啦食到呢個地步已經放棄再comment d紫菜同d飯…
只見平日午市明將門口係堆．滿．人!!!
一家大細、學生、潮青一大班咁等位, 咁究竟係咪真係咁難食呢??? 其實我地又覺得d劣評太誇張… 雖則話平唔代表無要求, 但明將水準同放耐咗嘅超市壽司差唔多~ 起碼佢d壽司飯個調味係ok… 不過遺憾在我地無叫到紅豆壽司同橡皮糖壽司… 如果有叫可能篇食評就無咁咁溫和lu~
張貼
