La Mer Restaurant & Lounge (已結業)

今日又同事去尖沙咀做野，做野之前當然要食飽飽先。我地揀左一間法國菜既餐廳食中午，原來呢間餐廳係藝人黃長興主理既，餐廳既環境好舒適，而且食物質素都好高，但價錢唔貴，午市套餐好抵食。我地叫左兩份午市套餐，再加配左餐湯、沙律同埋甜品。呢度連餐包都整得好認真，烘熱既餐包配上軟滑既黑松露牛油，好食！其中一份套餐係 白酒忌廉炒藍青口配薯條 ，一大鍋既新鮮藍青口，配上香濃既白酒忌廉汁同埋熱辣辣既薯條，正啊！另一份係炭燒美國腹肉牛扒配薯菜，腹肉牛扒煎到7成熟，肉質嫩滑之餘仲鎖緊肉汁，好juicy!最後，仲有Brownie做甜品。