聰嫂星級甜品 (已結業)

平時自己都冇乜食開甜品、糖水，所以所認識的甜品店不外乎都係許乜乜呀、乜記物記個d啦。今日約左朋友出銅鑼灣時代廣場，行行下見到咁多人排隊，朋友先話係明星開的糖水舖，真係第一次見識咁多人排甜品店，所以就湊下熱鬧咁。排左十幾分鐘就入到去，地方唔大，但又坐左好多人，好墟冚。望左餐牌一陣，都係試下佢個榴連珠啦，本身自己冇話好鐘意榴連，但見好似幾有名，就試一試囉。上菜速度好快，但賣相亦精緻。食落去勁重榴連味，似係食緊榴連雪糕，加埋d榴連肉都係幾飽肚滿足。不過如果可以下次都係空閒時間先去，有點太多人太逼，我鐘意靜靜地品嚐美食，哈哈。