三星台菜食堂 (已結業)

最近見網上介紹明星台灣食店，爭扎緊去超蓮定呢間既時候，比個花雕吸引左，仲有蛋餅。下午去到叫左個是日介紹（即係花雕牛肉麵），揀麵既時候苦惱緊粗麵同幼麵，其實我地想食返粗又不太幼個種，上OpenRice 睇咗啲圖發現原來叫「粗麵」，最後點多個細滷肉飯，因為網上條片介紹埋蛋餅以為有啦，原來朝早先有得食。先講個麵，第一口飲左個湯先～酒味唔濃，其實反而岩香港人口味，唔慳料勁多蔥！牛都淋，另外都有根位，夠淋身，唔錯唔錯！滷肉飯就無花雕麵咁出色，肉肥瘦位適中，汁都okay，不過食大碗未免有啲漏，可以叫個細一試。另外我地叫左個炸甜不辣，面有啲蒜，炸得口，夾埋一齊食唔錯！推介一試！