正宗上海生煎皇后麵館 (已結業)

近年多左明星打入飲食界，有日遲收工，同事就話一齊過深水埗食晚飯。突然話想食上海嘢嘅同事就揀左江若琳嘅上海麵店醫肚一入去地方設計都幾整齊新穎。坐得幾舒服。一見餐紙啲食物價格都唔太貴，價錢合理。最後，我就揀左牛肉麵一碗，再加一個小食炸餃子🥟牛肉麵原來係牛展，牛展比較硬實，但入味程度不錯。面質幾流同唔會好淋，粗幼度適中。餃子有驚喜！佢炸到個皮好脆！好可口。豆漿豆味幾濃，溫度剛好！整體感覺還可，可以話係深水埗多一個選擇，但並唔會特登去本店食餐飯。🤪