影片
更多
2014-03-04
764 瀏覽
之前跟過教會朋友嚟「名坊」燒嘢食，覺得個地方唔錯，可以平平哋，又有瓦遮頭，環境光猛唔似啲燒烤場「黑鬼媽媽」。又喺教會細胞小組一個月一次嘅活動，負責任嘅負責人安排咗行山，選址喺行青衣自然徑，輕鬆方便，我哋一行13人有大有細，依條路就最「合家歡」架啦 ，而且又有景，仲飽覽青馬大橋兼睇埋日落添。由北面長宏邨入，再晌南面青華苑出，所以就建議行完山去涌美村嘅「名坊」燒嘢食，因為行過去都喺廿來分鐘嘅事，認真方便。所以，借少少版面，分享一下條自然徑嘅美景 ！對上一篇題為「能伸能叔」已介紹過名坊嘅燒烤，包括環境、收費、食物質素、配套……等等，所以，今趟就唔太重複喇，概略扼要講幾句，跟上次一樣，都喺訂最基本嘅燒烤餐，一人份包括：豬頸肉1件、豬扒1件、牛扒1件、芝士腸4條、雞肉腸2條、什丸6粒、雞中翼2隻、粟米1條、蕃薯1/2條，每兩位送一包蒜蓉芝士什菇，包埋汽水、蜜糖、炭同燒烤叉，又提供埋餐碟、刀叉，乜都唔使煩、唔使諗，輕輕鬆鬆就可以燒嘢食，每位都喺$90 。因為有啲喺細路仔關係，所以我哋都只喺訂10人份，兩大盆燒烤肉，加一大籃粟米、蕃薯、蒜蓉芝士什菇，雖然無點算啱啱數，但能叔一句話有多無少，信晒
又喺教會細胞小組一個月一次嘅活動，負責任嘅負責人安排咗行山，選址喺行青衣自然徑，輕鬆方便，我哋一行13人有大有細，依條路就最「合家歡」架啦 ，而且又有景，仲飽覽青馬大橋兼睇埋日落添。由北面長宏邨入，再晌南面青華苑出，所以就建議行完山去涌美村嘅「名坊」燒嘢食，因為行過去都喺廿來分鐘嘅事，認真方便。所以，借少少版面，分享一下條自然徑嘅美景 ！
對上一篇題為「能伸能叔」已介紹過名坊嘅燒烤，包括環境、收費、食物質素、配套……等等，所以，今趟就唔太重複喇，概略扼要講幾句，跟上次一樣，都喺訂最基本嘅燒烤餐，一人份包括：豬頸肉1件、豬扒1件、牛扒1件、芝士腸4條、雞肉腸2條、什丸6粒、雞中翼2隻、粟米1條、蕃薯1/2條，每兩位送一包蒜蓉芝士什菇，包埋汽水、蜜糖、炭同燒烤叉，又提供埋餐碟、刀叉，乜都唔使煩、唔使諗，輕輕鬆鬆就可以燒嘢食，每位都喺$90 。
因為有啲喺細路仔關係，所以我哋都只喺訂10人份，兩大盆燒烤肉，加一大籃粟米、蕃薯、蒜蓉芝士什菇，雖然無點算啱啱數，但能叔一句話有多無少，信晒佢啦 。起爐出句聲就超快搞掂，因為用瓦斯火槍加風筒，一陣間個爐就熊熊烈火。
基本上所有食物都醃好晒，味道不俗，當然好唔好食，都要靠自己燒得好唔好。因為晌度地方又夠光猛，闊落有挨背嘅膠椅點都好坐過郊公園，再者，燒烤時間非常充裕，可以慢慢燒，燒得靚仔好食一啲 。
蒜蓉芝士什菇以芝士味跑出，一絲絲半溶嘅芝士，混雜晌啲冬菇及秀珍菇中，香柔好食，只喺蒜味差咗少少。
之前行過嚟時路經超市，可再加買啲生果、麵包、菊花茶、清涼茶之類。所以，如果你想牛油塗多士，問問能叔，佢都唔介意俾啲你嘅。我聽啲組員講話豬扒醃得好味，所以，就整番份炭燒豬扒多，豬扒鬆化入味，配合烘熱嘅多士，果然正呀 。
雖然我哋另外買咗菊花茶、清涼茶，目的只為顧及唔飲汽水人士，因為個燒烤餐包汽水。究竟點包法？晌出面嘅任食燒烤場，多數只包你一支水，試問一次燒烤一支水點夠，又唔俾你外帶嘢飲，目的都喺想晌飲品方面多賺你一筆。晌名坊汽水真喺豪俾你，自己入去汽機度自斟 ，有可口可樂、雪碧、芬達，雖然喺咁，我哋都無亂斟嘥嘢，夠飲就OK。
上次嚟見佢有煲仔飯已好想試，所以，今次「專燈」點一煲等大家試吓。其實，我哋晌度燒咗成晚，都見有唔少客點煲仔飯食，煲仔飯定價$38-$48，仲送$13嘅甜品或飲品。小弟揸主意點咗個北菇田雞飯（$42），睇住另外一個師傅喺戶外爐頭度煲，煲好之後香氣撲鼻，飯粒清爽分明，加點甜豉油，寧舍不同，冬菇幾厚肉，田雞都算喺恰到好處，入口嫩滑，食到底仲有薄薄飯焦，整個煲仔飯都做得認真，做得不俗 。除煲仔飯，仲有生滾煲仔粥，留番下次有機會先再試！
名坊暗暗縮喺涌美村一小角，有街坊行過，見我哋燒得咁過癮，都話下次試吓先，原來有唔少街坊唔知佢哋有做燒烤喎 ！
張貼
