影片
更多
2024-03-05
91 瀏覽
喜歡食海鮮, 但又唔想自己洗自己煮, 出街食又怕挨海鮮價容易over budget, 同事介紹位於旺角經營多年兼人氣海鮮小店「旺角海鮮菜館」小店面積不大, 有數張大檯, 二人檯較少, 今晚兩個人等位等咗一粒鐘先可安排入座, 可見人氣度爆燈。 供應多款明碼實價海鮮套餐, 人少少兩個人想食海鮮都有選擇!【至尊二人避風塘蟹餐】HK$1188 (另收茶芥、加一)旺角六小福(六選二): 自選了兩款爽口的白灼魷魚、海蜇頭湯(二選一): 杏汁菜膽白肺湯: 清甜滋潤, 有淡淡杏汁香胡椒豬肚雞湯: 胡椒味極濃, 微辣能刺激味蕾炒蟹可自選三選一口味旺角避風塘炒蟹:睇蟹鉗就知, 隻蟹大大隻, 好厚肉, 蟹件拖過油, 鎖住了原汁原味肉汁, 蟹肉札實有鮮味, 辣辣地嘅避風塘味滲入了蟹肉, 夾集避風塘炸蒜食, 極之惹味。蒜蓉粉絲蒸日本元貝: 大量粉絲同埋蒜蓉放於帶子上蒸, 粉絲吸了蒜蓉同埋帶子精華, 帶子大大粒, 蒜蓉更加提升鮮味。豉汁果皮蒸大連鮑魚: 鮑魚爽彈唔硬, 食到本身嘅鮮甜味, 豉汁令整體味道更提升。豉椒炒蜆: 炒蜆炒得好有穫氣, 蜆冇沙, 算係幾大隻, 豉椒惹香提鮮, 正!金沙蝦球: 蝦球被薄薄鹹
小店面積不大, 有數張大檯, 二人檯較少, 今晚兩個人等位等咗一粒鐘先可安排入座, 可見人氣度爆燈。
供應多款明碼實價海鮮套餐, 人少少兩個人想食海鮮都有選擇!
【至尊二人避風塘蟹餐】HK$1188 (另收茶芥、加一)旺角六小福(六選二): 自選了兩款爽口的白灼魷魚、海蜇頭
湯(二選一): 杏汁菜膽白肺湯: 清甜滋潤, 有淡淡杏汁香
胡椒豬肚雞湯: 胡椒味極濃, 微辣能刺激味蕾
炒蟹可自選三選一口味旺角避風塘炒蟹:
睇蟹鉗就知, 隻蟹大大隻, 好厚肉, 蟹件拖過油, 鎖住了原汁原味肉汁, 蟹肉札實有鮮味, 辣辣地嘅避風塘味滲入了蟹肉, 夾集避風塘炸蒜食, 極之惹味。
蒜蓉粉絲蒸日本元貝: 大量粉絲同埋蒜蓉放於帶子上蒸, 粉絲吸了蒜蓉同埋帶子精華, 帶子大大粒, 蒜蓉更加提升鮮味。
豉汁果皮蒸大連鮑魚: 鮑魚爽彈唔硬, 食到本身嘅鮮甜味, 豉汁令整體味道更提升。
豉椒炒蜆: 炒蜆炒得好有穫氣, 蜆冇沙, 算係幾大隻, 豉椒惹香提鮮, 正!
金沙蝦球: 蝦球被薄薄鹹蛋黃炸皮包住, 蝦肉超爽彈, 伴有西蘭花, 平衡口中油膩感。
最後送上是日甜品: 紅豆沙
題外話/補充資料：
醬油花生 HK$16
茶位 HK$15/位
(以上食評乃用戶個人意見 , 並不代表OpenRice之觀點。)
張貼
