影片
更多
2024-05-01
387 瀏覽
哪幾款懷舊點心是你杯茶？豬肚燒賣、鵪鶉蛋燒賣、燒腩卷還是雞球大包定通通都滿足唔到你，上兩個星期師奶朋友冇啦啦腥幾張圖黎，問我知唔知有個咁嘅地方，話喺荃灣有條村叫川龍村，位於大帽山山腰有間叫彩龍嘅茶樓，而家喺內地網紅平台有人介紹。話茶樓用山水茗茶及製作點心，更自家種植西洋菜出名。趁今個星期放假，佢拉埋我一齊過嚟嘆吓茶行吓山。仲係有紙媒既年代，原來呢度都被唔少報章雜誌介紹過。介紹飲早茶既樂趣在於享受四周寧靜的環境，與世無爭的脱俗感覺，的確入到黎川龍呢個地方，講究既係用山水做到水滾茶靚的品茗學問，而環境絕對係潔靜心靈的最佳時刻。聽聞早上霧氣剛剛消散嘅時候，空氣最清新，但因為我們中午先到就感受唔到個氣氛。茶樓係自助形式，攞位 沖茶 攞點心都係自己黎，我仲陶醉緊係個環境當中，朋友已經攞到一枱點心，大包入邊餡料多，有鵪鶉蛋 臘腸 肉餡等等，味道雖然唔錯，但食晒一隻已經好飽差啲食唔到其他點心。鵪鶉蛋燒賣大粒飽滿而粒鵪鶉蛋加埋一齊食既邪惡又滿足相比之下普通嘅燒賣就遜色少少，炸雲吞油膩咗少少但入面粒蝦都算爽口。即灼嘅西洋菜最驚喜，菜味香濃無渣比平時街市買到嘅好食好多，難怪點心姐姐不停向我哋推介呢碟係川龍
仲係有紙媒既年代，原來呢度都被唔少報章雜誌介紹過。介紹飲早茶既樂趣在於享受四周寧靜的環境，與世無爭的脱俗感覺，的確入到黎川龍呢個地方，講究既係用山水做到水滾茶靚的品茗學問，而環境絕對係潔靜心靈的最佳時刻。聽聞早上霧氣剛剛消散嘅時候，空氣最清新，但因為我們中午先到就感受唔到個氣氛。
茶樓係自助形式，攞位 沖茶 攞點心都係自己黎，我仲陶醉緊係個環境當中，朋友已經攞到一枱點心，大包入邊餡料多，有鵪鶉蛋 臘腸 肉餡等等，味道雖然唔錯，但食晒一隻已經好飽差啲食唔到其他點心。鵪鶉蛋燒賣大粒飽滿而粒鵪鶉蛋加埋一齊食既邪惡又滿足相比之下普通嘅燒賣就遜色少少，炸雲吞油膩咗少少但入面粒蝦都算爽口。
即灼嘅西洋菜最驚喜，菜味香濃無渣比平時街市買到嘅好食好多，難怪點心姐姐不停向我哋推介呢碟係川龍嘅名物，一定要我哋試。另外我覺得難忘嘅仲有馬拉糕因為出邊食到嘅味道較淡而依度出品夠鬆軟又有淡淡幾甜味。本來仲話食飽去行山，點知冇睇天氣預報今星期落雨，我哋食飽就做咗落湯雞
水滾茶靚的茶盅和懷舊點心令人回味；自家製新鮮即蒸既點心除咗吸引附近茶客，冇諗過連旅客都識捐窿捐罅入黎。
張貼
