川粵時光小廚

營業中

休息中

一向都鐘意同同事🧑‍🤝‍🧑响週五嚟過星五飯聚🕺💃， 忙碌完成個星期， 緊係要放工鬆一鬆🤗， 同事話想食小炒送啤酒🍻， 所以去咗附近嘅📍川粵時光。川粵小炒皇🍲呢個餸雖係常見菜式🤤，但最能睇到間餐廳認真否😏， 呢碟餸好足料， 啲蝦乾🦐好大隻夠味，再配啲鮮魷魚🦑同韮菜。 強勁嘅鑊氣🍲將蝦干迫出香氣😋，但仍保住韮菜嘅翠綠， 咸咸香香， 送酒一流🍸木桶蒸雞 🧺呢個唔係普通蒸雞🐔咁單純， 似係用咗香料輕輕調味嘅蒸雞， 所以好惹味🤗， 又能保持鷄肉緊緻嫩滑。 餸飯餸酒， 倆者都佳😍。黃金蝦呢個係必食嘅下酒菜🤪，大大隻蝦🦐炸到黃金脆卜卜，外皮沾滿鹹香嘅蛋黃粒，一邊食爽甜蝦肉，一邊啜住濃郁嘅咸蛋黃粒，炸得香脆到連蝦殼都食， 爽！