星廚 (已結業)

平時好少來太子食嘢，咁岩朋友在太子呢邊返工。所以就約佢喺附近嘅餐廳食飯。行去B出口，我哋係橫街窄巷嗰度搵好野食！於是就搵到一間好多人排隊嘅小店。雖然鋪面裝修簡單，但係都見到幾多人排隊。於是我地就選擇係呢一間野度等位。我哋都係到諗，呢一間小小的店舖，為什麼會那麼多人排隊呢？好不容易才等到兩個位置，坐低之後就拎張餐牌望望，發覺其實都好似冇咩特別啊。兩個女仔本身食野就唔多，於是我地就叫一個香煎牛西冷配意粉，忌廉汁蟹肉雲吞，同埋凱撒沙律。一上碟嘅時候，都已經鋪滿晒成張枱，而且每一份食物份量都非常之大。於是我地就開始嘗試美食，佢嘅食物份量除咗大之外，其實質素都非常之高。上碟非常之快，呢度牛扒有別於出邊嘅西冷扒，厚厚一塊，肉質非常之豐富。忌廉汁雲吞，非常之美味，濃郁，如果喜歡食忌廉，或者係喜歡奶味重嘅人，一定要試吓。凱撒沙律本，原本以為只係一個簡單嘅沙律，點不知原來都係大大嘅一碟，基本上兩個人系一定有多。餐廳裡充滿了人，基本上冇一個嘅空位，出邊仲有長長嘅人龍。雖然排隊時間較長，但坐低後order嘢食之後其實上碟都非常之快度。 小小的店裡充滿了人情味。