NINETYs (皇后大道東) (已結業)

同朋友聚舊，佢推薦呢度座落於囍帖街附近嘅澳洲cafe，果然冇介紹錯！餐廳以工業風裝潢，雖然店鋪面積唔太，但餐桌與餐桌之間尚算闊絡，唔會比人感覺好逼。餐廳主打咖啡，一邊係咖啡corner，咖啡嘅價錢清晰刻係牆上，另一邊則showcase咖啡豆。可惜我地食飯時間都唔早，未有機會品嘗咖啡，下次有機會一定要試下。接著要講下呢度嘅野食，首推呢個 piggy piggy，顧名思義佢係一個豬肉漢堡，豬肉嘅處理方法係好似叉燒咁，非常juicy，麵包質感唔會太硬，夾埋入面嘅配菜同青蘋果片令成個菜式口感層次豐富，亦減少油膩感。另外就係呢個black truffle linguine，菇非常大粒，黑松露醬亦好creamy!飲品方面，我強烈推薦呢個fruit romance，佢係水果（橙為主）再加茶而成，同一般水果茶相比，佢嘅茶味好出，令人再三回味！整體黎講，餐廳嘅食物質素無容置疑，下次一定要試埋咖啡！順帶一提，因為餐牌只有英文，英文唔好嘅人可以黎呢度做左功課先。