鮨一心 (已結業)

香港越來越多omakase嘅日式料理餐廳，個個都話自己用嘅食材喺每日由日本經飛機新鮮運到香港，其實都唔知真定假，只有佢講我就信住先啦，呢間日式料理餐廳好奇怪，逢星期三休息，同老闆傾計之後發現原來日本嗰邊每個月某個星期三喺公眾假期，唔會有新鮮食材嚟到，所以餐廳索性星期三休息，咁嘅實際行動目的只係為了新鮮食材，實在值得尊重。今日喺度食左個$400嘅omakase，有十款壽司，前菜有三粒BB響螺及三文魚白瓜醋物，響螺微暖，肉質煙勒，而三文魚同白瓜一軟諗一爽口，呢個配搭都幾得意。而壽司則款款不同，其中有魷魚壽司、元貝壽司丶吞拿魚壽司丶赤貝有梅子、三文魚子壽司丶吞拿魚腩壽司丶海膽壽司，全部都好食，當中發現呢位日本老師傅手工好好，每件壽司都是即場製作，間中會加上鹽巴及柚子，又或者加上三滴檸檬汁(冇錯，睇住老師傅精準的從新鮮🍋榨出三滴汁直接滴到壽司上，每次都喺咁)，食完壽司之後有一碗魚皮湯，最後甜品，唔係雪榚，係日本無花果，好熟好諗同埋夠甜(唔係浸糖水嘅甜，喺果糖本身的甜)，入口發覺唔會有紐西蘭或者土耳其無花果當中有嘅少少帶酸味，正。