大喬日本料理 (已結業)

睇openrice的網頁，提到大喬有午市或晚市放題，便打個電話去book位試下，此放題只會係星期六、日及公眾假期先有。星期六12點3到達，感到餐廳的環境不差，(洗手間亦十分乾淨)，waiter帶位至一個向住軒尼斯道既卡位，十分舒適!睇睇menu，午市放題138元有大約十幾款野食，再加每人一份迷你魚生飯/ 熱烏冬/ 紫菜茶漬飯，又或者鐵板炒飯，如果另加100元，便可以品嚐埋海膽壽司，鰻魚、鵝肝、油甘魚壽司，蔥吞拿魚手卷，鐵板牛肉等比較貴價之食物。我選擇238元亦食左好多海膽壽司，鰻魚、鵝肝、油甘魚壽司，感到此店食物之質素十分好，油甘魚、海膽新鮮香甜，店員服務態度亦良好，雖然放題食物choices不是很多，但二百零蚊總覺得十分物有所值。我從未食過外間百幾元之日本食物放題，亦沒有太大興趣去食，始終相信一分錢一分貨這個道理。此店值得推介，唯獨是上菜時間，又或者中途已經要暫停海膽壽司既供應，可以改善。