影片
更多
2024-07-21
1325 瀏覽
上網睇到呢間新開就特登去試下大約星期六夜晚8點去到，入到去見到得3枱客點咗一鍋泡菜湯同一碟烤鯖魚，同兩碗白飯加杯嘢飲個泡菜湯好濃，唔係出邊好稀嘅泡菜湯，食落唔會好辣，好有喺韓國讀書時食嘅味道，上枱時個湯仲滾緊，飲落去有種鮮嘅感覺，忍唔住即場講咗句好好味。而且入面仲要有肉，食落軟度啱啱好，唔會有煲到鞋晒嘅感覺，非常難得。如果要挑剔嘅話佢嘅湯料可以多多少少，同埋泡菜可以唔駛咁大塊。我叫咗個細碗，兩個人撈飯食都好夠。之後叫咗嗰碟烤鯖魚都大癲份量有兩條差啲食唔晒，佢整到兩條魚外脆內軟，食落無任何腥味或怪味，啲肉好大舊而且食落唔係鞋嘅肉，食落只有鯖魚嘅原味。最後一讚兩條魚食唔到任何骨，食得好放心。飯menu無寫，晚市可以加15蚊叫一碗，望落好似珍珠米嘅texture，煮得剛剛好，唔會唔熟唔生，鍾意泡菜湯撈飯必叫。最後走時老闆娘都好熱情送出門口同用韓文講再見，當日落雨店員又會幫手擺把姐。另外餐廳音樂有啲大聲，但我諗可能係因為老闆娘/店員驚間餐廳無咩聲太冷清先開到咁大聲，一間咁用心整食物嘅餐廳，服務同價錢（埋單$371）都無得頂，星期六夜晚絕對唔應該只得4枱客（計埋自己），所以平時唔寫review嘅
大約星期六夜晚8點去到，入到去見到得3枱客
點咗一鍋泡菜湯同一碟烤鯖魚，同兩碗白飯加杯嘢飲
個泡菜湯好濃，唔係出邊好稀嘅泡菜湯，食落唔會好辣，好有喺韓國讀書時食嘅味道，上枱時個湯仲滾緊，飲落去有種鮮嘅感覺，忍唔住即場講咗句好好味。
而且入面仲要有肉，食落軟度啱啱好，唔會有煲到鞋晒嘅感覺，非常難得。如果要挑剔嘅話佢嘅湯料可以多多少少，同埋泡菜可以唔駛咁大塊。
我叫咗個細碗，兩個人撈飯食都好夠。
之後叫咗嗰碟烤鯖魚都大癲
份量有兩條差啲食唔晒，佢整到兩條魚外脆內軟，食落無任何腥味或怪味，啲肉好大舊而且食落唔係鞋嘅肉，食落只有鯖魚嘅原味。
最後一讚兩條魚食唔到任何骨，食得好放心。
飯menu無寫，晚市可以加15蚊叫一碗，望落好似珍珠米嘅texture，煮得剛剛好，唔會唔熟唔生，鍾意泡菜湯撈飯必叫。
最後走時老闆娘都好熱情送出門口同用韓文講再見，當日落雨店員又會幫手擺把姐。
另外餐廳音樂有啲大聲，但我諗可能係因為老闆娘/店員驚間餐廳無咩聲太冷清先開到咁大聲，一間咁用心整食物嘅餐廳，服務同價錢（埋單$371）都無得頂，星期六夜晚絕對唔應該只得4枱客（計埋自己），所以平時唔寫review嘅我都寫來推薦下。
張貼
