金龍餐廳

營業中

休息中

星期六的下午茶, $36 吉烈豬扒、配火腿炒蛋及奶醬多士、熱奶茶，多$4就有碗湯面，好抵食。吉烈豬扒不是很大塊，尚算ok, 炸到脆脆的、熱辣辣，奶醬多士就一般，脆脆的，但只有中間有練奶及花生醬，感覺太少。奶茶的茶比較濃，茶多奶少，香滑度一般，茶味帶有少少苦澀味。另外，炸魚柳、配火腿炒蛋及牛油多士，仲正，魚柳比較外脆內軟，魚肉仲帶有小小肉汁，好juicy, 算唔錯。另一份下午茶餐係凍華田、西多士加薯條，枱面有鹽，預咗你自己加調味。但樽入面有米粒都跌埋出來，有點奇怪。西多士炸得剛剛好、金黃色、入面有足夠花生醬，糖醬自己加，好正。熱氣之選！ 凍飲偏多冰，所以華田味好淡，麻麻地。總結下午茶套餐，價錢係抵食，如果加埋粉面，真係飽過食常餐。