阿詩瑪壹菌 (已結業)

因為太耐冇去食，唔肯定星期六多唔多人，所以早一晚喺app book位，星期六同媽媽去食番個lunch後尾發覺，真係book位會好啲，一入去坐低冇耐，就不停有人入座。講番食物先，原本想食過橋米線，不過媽媽想食其他菜式，唯有下次至食過橋米線嚕呢次午餐叫咗4樣菜式，首先係涼拌茄子同貓耳朵，涼拌菜式而言，算係ok，茄子幾多汁，又唔怕太軟身，好味！不過貓耳朵呢，就可以濃味番少少。另外叫咗個海鮮炒飯同羊肚菌黃耳燴素千層。個炒飯呢，材料足，份量多，但炒飯而言就略為唔夠鑊氣，但味道係好嘅～而羊肚菌黃耳燴素千層呢，味道好好，我比較鍾意呢味菜式，味道清新，菇菌類好多，仲有萵筍等食材，外面又有腐皮包住，好味！廚房出餐快，侍應們送餐又快，服務又好，態度親切，所以覺得呢次午餐都食得幾開心。