影片
更多
2009-05-17
3 瀏覽
星期六收咗工，無特別事搞，悠悠閒閒咁，老婆提議上花園餐廳食晏，我都耐無去港式西餐廳，所以都樂於去食番個晏仔！入到去感覺幾好，因為地方夠大，枱凳排得寬敞，唔迫夾，一室米色色系，加上唔太誇張嘅水晶吊燈同一列玻璃窗透入嘅陽光，整體上使人覺得精神抖擻。再者，係星期六嘅下午，唔似平日坐滿打工一族，客人唔太多，覺得空間更大！因為依個時間客人唔多嘅關係，所以，相對侍應嘅服務比較到位，唔會搵極都無人招呼你！揀好個窗邊大卡位，坐低睇睇午餐食乜先！話明係港式西餐廳，午餐都係例牌嘅紅白湯、雞牛豬排跟飯意粉或薯菜、咖啡或茶！雖然係咁例牌，但一樣要好食至做得住！先嚟個羅宋湯跟餐包，唔錯，前者就材料十足，後者就和暖鬆軟，係最衰舊牛油硬到死，都唔知點解10間港式餐廳就10間嘅牛油都「硬掘掘」，點解唔可以擺定D出哩「解凍」先！主菜，小弟揀咗個焗芝士蕃茄豬扒意大利粉，老婆就點咗個西冷牛扒跟薯菜，前者意粉稍為削咗少少，豬扒整得都鬆化，係個汁有D「意外」，睇個名都以為係蕃茄汁底，嚟到睇到竟然係鴛鴦汁底，一邊白汁，一邊蕃茄汁，真係搞鬼，幸好個蕃茄汁都做得OK，又有大大舊蕃茄肉同車厘茄，好醒胃！而後者個西冷牛扒無甚意外，肉質唔
揀好個窗邊大卡位，坐低睇睇午餐食乜先！話明係港式西餐廳，午餐都係例牌嘅紅白湯、雞牛豬排跟飯意粉或薯菜、咖啡或茶！雖然係咁例牌，但一樣要好食至做得住！先嚟個羅宋湯跟餐包，唔錯，前者就材料十足，後者就和暖鬆軟，係最衰舊牛油硬到死，都唔知點解10間港式餐廳就10間嘅牛油都「硬掘掘」，點解唔可以擺定D出哩「解凍」先！主菜，小弟揀咗個焗芝士蕃茄豬扒意大利粉，老婆就點咗個西冷牛扒跟薯菜，前者意粉稍為削咗少少，豬扒整得都鬆化，係個汁有D「意外」，睇個名都以為係蕃茄汁底，嚟到睇到竟然係鴛鴦汁底，一邊白汁，一邊蕃茄汁，真係搞鬼，幸好個蕃茄汁都做得OK，又有大大舊蕃茄肉同車厘茄，好醒胃！而後者個西冷牛扒無甚意外，肉質唔韌，夠平穩，唯最鍾意舊式波浪紋粗炸薯條，又係港式快餐店的回憶！最後，香濃咖啡作結，人生就是如此，好多嘢都例牌咁發生，日復日，年復年，但其中又會有D意外嘅事走咗出嚟，可能係驚，可能係喜，過去咗又返番D平穩的日子，就係咁往往帶俾你好多嘅回憶，係你所懷念嘅回憶！
張貼
