小河內

營業中

休息中

呢個舖位本身都係一間越式餐廳，之前望過餐牌，價錢唔吸引，所以無再留意呢個舖位。唔知幾時轉左手😯，星期六居然都有下午餐，而且仲幾抵食，最貴都只係$48 (包熱飲)，仲要無加一、多選擇、份量唔會細細份攝牙罅😏。碳燒豬頸肉撈檬 $48豬頸肉好多，起碼有6-8片；雖然好薄，亦無彈牙口感，但調味唔差，而且外層微焦，食果陣仲暖暖地，加上唔貴，下次嚟都會點佢🙂。碳烤香茅豬扒飯 $48估唔到仲有一隻太陽蛋，不過隻蛋已經凍哂..😅豬扒有兩大塊，而且有少少厚度，啖啖肉。不過香茅味偏淡，而且係炸出嚟，比較熱氣。香茅雞翼飯 $48生牛肉湯河 $45碳燒豬扒三文治 $38其實係越式法包，不過無用蟹膏，改用沙律醬同牛油；法包烘到好脆，豬扒份量好滿；芫茜放面，中意就自己加。略嫌酸蘿蔔份量少左D。順帶一提，餐廳下午茶星期一至六下午2點開始，星期日及假期要2:30先開始。以後星期六我又多一間飯堂選擇🙊。