濤 (已結業)

本身媽咪 book 左位，而我地當日亦都獲安排坐晌較入同靜嘅位置，感到開心。廁所唔知點解粒沖廁嘅掣被人㩒到落底，令到個馬桶長期有水沖，可以沖走液體，但廁紙就要掉晌垃圾桶，否則可能會塞。我落單問一問店員，究竟八件壽司嘅套餐係咪要另外攞張紙來剔自己要邊款? 佢回答，唔使，但我可以同佢講我唔食得啲咩食物，佢再轉達比廚師聽。於是我講左比佢聽我唔食海膽，同蝦。結果我份套餐有不同類型嘅吞拿魚壽司呢! 我都覺得滿足! 價錢$288，除左壽司仲有前菜﹑麵豉湯﹑烏冬﹑及一杯咖啡。咖啡偏苦，但苦中帶甘，好味。