意八餐廳 (已結業)

今日到咗黃大仙中心搵食，見到依間今日唔使點等枱就入咗去食，大概等咗十分鐘就可以入座， 午餐嘅選擇好多，有飯有意粉有pizza甚至有拉麵，可以適合自己同朋友唔同嘅需求，方便各自唔同選擇，但可能因為防疫問題，所以啲位都分得比較開，而且有啲位坐得比較迫夾，兩人座位要打側身先可以入到😭， 今日嗌咗 pizza，烏冬同埋一份薯角，再加白汁煮蜆。份量適中，150蚊食到飽一飽都算唔錯，不過略嫌pizza太多汁，員工態度十分之好，喺埋單嘅時候好清晰可以知道一定要用八達通先可以有泊車優惠。 埋單只可以揀用八達通或者現金，平時用開信用卡嘅朋友要注意一下。