幸鮨屋 (已結業)

店員盡責，有提醒我地擺隻手去一個儀器度量體溫。檯同凳都乾淨企理。我叫左一個叉燒拉麵，五十八蚊。落左單一分鐘之後，店員就會奉上麵豉湯同埋沙律。麵豉湯味道剛剛好，唔太咸。沙律用左芝麻醬。我好欣賞我個拉麵入面啲材料嘅擺法。尤其是啲紫菜︰1/4濕，3/4脆！不過我食到其中一塊魚板凍凍地。可能係響雪櫃度拎出來無幾耐掛？於是我將第二塊魚板浸耐啲先食。去廁所嘅路係半露天嘅，同埋有薄嘅灰色地毯墊住，不過地毯有啲濕，要小心行路。每張檯都有濕紙巾供應，值得一讚。堂食嘅筷子係即棄嘅，唔係咁環保。