亞金南洋茶室 (黃大仙中心南館)

營業中

休息中

星期日的中午，黃大仙中心周圍都人頭湧湧。原打算食地下日式店，但太多人轉向這店。雖然午餐只得幾款，但餐牌裡還有許多不同類型的食物選擇，而且價錢同午餐差不多。我哋叫左海南雞。喇沙面。黑白配甜品，這個餐連埋飲品都是七十多元。我鍾意這，是因為我心多，想食飯又想食喇沙，仲要有埋甜品（全部都是細size)的，實在太吸引了。先講喇沙，顏色吸引，味道正常有點惹味。不過我都嫌唔夠惹。至於個海南雞飯，我覺得雞肉少，加多一件就好了。飯的顏色不好，白白的，沒有飯香，不是黃油飯。個甜品內有豆腐花、紅豆、涼粉。同行人就叫了炸蝦餅雞翼撈檬。友人話蝦餅同雞翼都好味、香口。但最差，我倆都接受唔到的是檬粉的質地，又硬，又冇味，落左汁，粉也吸唔到汁的味道。如前言，這裡選擇不少，最終買了$500現金卷，留日後再來帶了誘因。