祥仔辣辣 (雅蘭中心) (已結業)

經過門口見佢星期日都有套餐就入咗去試一試。酸菜魚拉麵，有得揀拉麵或米線，我就揀咗拉麵，唔辣。拉麵普普通通，反而酸菜同魚有驚喜，與一食落去好新鮮，湯底好夠味，辣海南雞飯，本身以為係隻雞本身已經麻辣去煮，點知嚟到原來係有麻辣醬，雞唔點醬汁都唔辣，好啱唔食得辣嘅人，雞好滑，好好食，最抵嘅三小拼，只係需要加$30，揀咗蒜泥白肉，尖椒皮蛋，拍青瓜，三個都好好食，好新鮮，尖椒皮蛋最好食🤣最後加咗兩杯嘢飲，蜜桃梳打+咸青檸，配辣嘢真係爽。每枱會有一壺熱水，本身以為係茶，點知得熱水，不過都唔緊要，環境坐得好舒服👍🏻👍🏻