八百善 (已結業)

本身諗住飲茶，去到V City 先發現開左間新日本菜餐廳，於是決定試下好唔好味。餐廳裝修簡約，牆上嘅木牌增添左幾分日式風味。可能新開嘅關係， 星期日都有午市定食，不過價錢都唔便宜。我地一行4人就叫左頭4個定食。我食嘅係豚肉生薑燒定食，包一個沙律、一個醬漬蓮藕同麵豉湯。沙律嘅醬幾特別，唔係蛋黃醬，食起黎甜甜地，都幾開胃。另外麵豉湯好足料，除左海帶，仲有蝦米同豆腐，飲落好鮮甜。豚肉好甜，不過好香，都幾好食。蕃茄香味雞蓋飯～推薦！雞肉多汁！起初唔知燒一夜干係咩，細問下原來係魚，份量都幾多，大大條，大家一齊分享。魚肉肉質唔錯，送飯好岩。友人嘅豬扒飯，豬扒炸粉薄，一食就感受到肉質鮮嫩。餐廳嘅櫈幾靚～有d藝術感，只係唔太好坐。