霞飛會館 (已搬遷) 新店位置

原本卜左枱 點知原來星期日冇乜人 唔洗等位相比其他酒樓 呢間中菜館好靜 傾計就最岩而且少人但多侍應 所以服務自然就體貼d啦茶杯同碟都有花 幾靚順帶一提，前菜係醃青瓜，酸酸地幾開胃灌湯牛肉餅 d牛肉餡整得好juicy兼好有肉味 燻蛋 味道同賣相都唔錯啦 好似好高技巧咁 燻魚 口感幾好 個汁都幾好 不過稍甜 蘿蔔絲酥餅 外脆內軟 口感特別 小籠包 皮薄餡靚 又juicy 不過要小心熱 當然太凍又唔好食 要自己掌握喇 高力豆沙 做甜品 好白 但唔太中意個口感  最後想講，個toilet又細又淺窄，不過呢樣好minor，唔多講喇