得龍大飯店 (已搬遷) 新店位置

細個同屋企人飲茶，最開心去得龍食點心。到大個咗，呢度仍然係全家會去嘅區內飲茶點。最鍾意食呢度嘅懷舊點心，例如炒銀針粉，但唔係成日有，而且要一早8點幾嚟到。今日有蒸蘿蔔糕，必叫，因為坊間酒樓多數得煎嘅。仲要咗大大粒嘅山竹牛肉球，點喼汁正。叉燒包啲包皮有啲實唔夠涵多。鮮蝦粉果有好大隻蝦，又夠味。有碟煎腸粉冇影但味道唔錯。每人平均唔使$30，好抵食！