影片
更多
2024-11-12
586 瀏覽
我知香港有好多專門用作打卡嘅餐廳，但呢一間，堪稱打卡餐廳嘅終極形態。“Staro”位於諾士佛台嘅星空奇遇記，Staro並唔係只有幾個打卡位置，而係成間餐廳都好似係星空入邊。佢嘅燈光昏暗，喺大部份嘅座位，你都會感受到非常浪漫嘅氣氛。另外，如果有需要，職員甚至可以提供背光燈嚟影相，打卡誠意十足。當然呢度唔係淨係食環境，佢都有相當多唔同嘅美食同cocktails。同樣地，當中有啲係打卡十足😂。Mocktail Apollo $98有極靚仔嘅造型，黐住太空人😂。雖然冇酒精，但有Passion Fruit同芒果嘅味道，甜酸兼備，可口怡人。CocktailAries $148白羊座，用上地球儀嘅杯，大致上係荔枝同grapefruit嘅混合體加酒精版，玩味同味道兼備。即刨意大利黑松菌牛肝菌燉意大利飯Porcini Tartufo Risotto $178即刨黑松露本來就唔會輸，佢嘅意大利飯仲有大量嘅牛肝菌味道，米粒比較接近飯嘅質感。巴馬火腿肉醬水牛芝士火焰餃子手工薄餅Calzone Pizza $178餐廳特色菜之一，好似一個巨型餃子。職員用火焰燒過後，食落去會有好多肉醬同芝士味道。薄餅嘅皮好新鮮明
“Staro”
位於諾士佛台嘅星空奇遇記，Staro並唔係只有幾個打卡位置，而係成間餐廳都好似係星空入邊。佢嘅燈光昏暗，喺大部份嘅座位，你都會感受到非常浪漫嘅氣氛。另外，如果有需要，職員甚至可以提供背光燈嚟影相，打卡誠意十足。
當然呢度唔係淨係食環境，佢都有相當多唔同嘅美食同cocktails。同樣地，當中有啲係打卡十足😂。
Mocktail
Apollo $98
有極靚仔嘅造型，黐住太空人😂。
雖然冇酒精，但有Passion Fruit同芒果嘅味道，甜酸兼備，可口怡人。
Cocktail
Aries $148
白羊座，用上地球儀嘅杯，大致上係荔枝同grapefruit嘅混合體加酒精版，玩味同味道兼備。
即刨意大利黑松菌牛肝菌燉意大利飯
Porcini Tartufo Risotto $178
即刨黑松露本來就唔會輸，佢嘅意大利飯仲有大量嘅牛肝菌味道，米粒比較接近飯嘅質感。
巴馬火腿肉醬水牛芝士火焰餃子手工薄餅
Calzone Pizza $178
餐廳特色菜之一，好似一個巨型餃子。職員用火焰燒過後，食落去會有好多肉醬同芝士味道。薄餅嘅皮好新鮮明顯係手工製造。
My Sign $148
餐廳隱藏甜品。可以寫上慶祝字句 (例如今晚係同行人士生日) ，味道係雜莓朱古力。個人幾欣賞佢唔會太甜，糖皮亦有一定煙韌性，相當唔錯！
現場有好多”星空位”，就好似星空蓋出嚟嘅屋。可惜我哋坐唔到，如果坐到一定會更加有氣氛😅。
張貼
