Starò

營業中

休息中

尖沙咀既staro 餐廳，之前係聖誕節食過聖誕大餐，覺得好食得黎而環境亦都好浪漫，黑黑地配埋燈光好似真係星空咁，加埋音樂背景好放鬆，今次就黎試一試佢地既tea 。煙三文魚羽衣甘藍醬雙管粉$88雙管粉比一般意粉食落更煙韌，而且因為中空所以更加掛汁，個汁好creamy配煙三文魚好夾。魚子醬水波蛋鮮牛油果煙三文魚配酸種包$88呢個配搭感覺好健康，本身牛油果同三文魚既味道就好似，一齊食就多左一層口感，加埋水波蛋既蛋黃汁，相當唔錯。焦糖開心果巴士克芝士蛋糕$68巴士克芝士蛋糕綿密，最驚會食到好甜就會好漏，用開心果就岩岩好，最欣賞係staff會用火槍燒落焦糖到，有視覺享受之餘，冷卻之後表面卜卜脆，我幾鐘意。鮮雜果牛角多士配希臘乳酪$78牛角多士牛油味好特出，希臘乳酪入面再加左燕麥，好似輕盈版燕麥杯，可以中和牛角多士既牛油，就唔會覺得太油膩。