正宗水上人氣鍋專門店 (已結業)

雖然水上人好出名但我一直冇機會食今日朋友生日，成班book左呢度食飯，終於可以一試！大家都係愛海鮮之人唔駛考慮已經決定食C餐！講食物之前，有樣野一定要提，一定要讚就係侍應既態度相當之好由於水上人係佢地幫我地落食物煎同分食物所以全程基本上我地都係坐底unun腳吹水望到佢地不停又夾又分，我都唔好意思。。不過佢地真係好好！仲會介紹海鮮比我地聽真心抵讚！好啦講番食物我得兩個字，新鮮最令我印象深刻係胭脂貝同鮑魚胭脂貝又肥美又多汁咬落走成陣鮮味出哂黎鮑魚最正係佢個汁我唔知咩汁黎，但真係好食！阿幾乎唔記得左講蠔同埋龍蝦蠔唔駛講！好大隻好大隻龍蝦係main，我個人鐘龍食龍蝦多過蟹結果真係冇決定錯！啖啖肉仲有仲有！哈哈講起就正，佢個凍菜好好味阿可能我見識小，第一次食但夠爽又夠甜，一流！最後當然唔小得講個粥底基於大量既海鮮。。冇得輸雖然成個餐純價錢唔算平但其實計番海鮮真係咁上下！仲有專人蒸埋夾埋我下次一定會再黎