影片
更多
2010-06-06
114 瀏覽
好多人都會覺得食漢堡等如食快餐，但我覺得如果可以安坐舒適環境，細味品嚐一下高質素嘅漢堡，感覺絕對唔會輸蝕比去高級扒房鋸扒。位於尖沙咀海運大廈入面，跟BLT Steak同一集團嘅BLT Burger，餐廳採用歐陸式設計，正好為大家帶來一個慢慢歎漢堡嘅好地方，而且我今次更喺呢度有意外發現添...Austrian Wagyu Combos ($168) - 用上來自澳洲寧哥魯農場（Ningaloo Farm）頂級和牛製成，由於產量極少，所以特別矜貴。每塊和牛約重7安士，絕對夠晒份量，口感一流。而跟餐嘅炸薯格用Idaho薯製成，熱辣辣，香噴噴，好好味～正！除左牛肉，麵包本身同配菜都好俾心機去做，絕對唔馬虎。據講麵包係每日新鮮製造無隔夜，所以特別鬆軟好味。值得一提係洋蔥，好少食到咁好味咁新鮮，大家不妨拎一塊出黎淨咬，感受下呢種田園感覺...黎到當然要試下呢度signature - BLT Burger Combo ($148)，每塊漢堡扒重6安士，加埋雙層煙肉，生菜同蕃茄，仲有秘製醬汁而炮製，食落每種味道都好突出，但又唔會掩蓋到漢堡扒嘅肉味，食落令人雀躍興奮！呢塊漢堡扒有咩特別？原來係採用獲美國
Austrian Wagyu Combos ($168) - 用上來自澳洲寧哥魯農場（Ningaloo Farm）頂級和牛製成，由於產量極少，所以特別矜貴。每塊和牛約重7安士，絕對夠晒份量，口感一流。而跟餐嘅炸薯格用Idaho薯製成，熱辣辣，香噴噴，好好味～正！
除左牛肉，麵包本身同配菜都好俾心機去做，絕對唔馬虎。據講麵包係每日新鮮製造無隔夜，所以特別鬆軟好味。值得一提係洋蔥，好少食到咁好味咁新鮮，大家不妨拎一塊出黎淨咬，感受下呢種田園感覺...
黎到當然要試下呢度signature - BLT Burger Combo ($148)，每塊漢堡扒重6安士，加埋雙層煙肉，生菜同蕃茄，仲有秘製醬汁而炮製，食落每種味道都好突出，但又唔會掩蓋到漢堡扒嘅肉味，食落令人雀躍興奮！
呢塊漢堡扒有咩特別？原來係採用獲美國安格斯牛肉協會認可嘅Black Angus，以八牛肩肉混合牛腰，西冷，牛頸肉同牛肋骨肉等搓成，肉味自然比其他餐廳果啲豐富得多，燒牛肉至medium，再落少少香草同海鹽調味，你更可以落單時跟據自己要求唔同牛肉生熟程度，而我就覺得五成熟係最理想喇～！
Combo set當然有飲品，如果唔想飲汽水咖啡的話，可以試下呢度出名嘅Milkshake。今次試嘅係Rocky Road奶昔，散叫要$68真係幾貴，跟餐只係加$25就飲到，相對抵好多。朱古力雪糕混入Chocolate Brownie，再打入杏仁粒，上面加埋滑溜嘅忌廉同埋燒過嘅棉花糖粒，朱古力味濃郁到爆晒燈，口感亦好smooth，實在好味到不得了！掂～！
正話一開始，我就話呢度有意外發現...就係Chocolate Cupcake($25)。賣相絕對比滿分，底層蛋糕部份好鬆軟，食落朱古力味好濃郁，但又唔會有太甜嘅感覺，絕對推介！另外呢度仲有用上Valrhona朱古力做嘅甜品，似乎就算怕食漢堡嘅女士們，呢度有另一個朱古力天堂等緊你地....
離開餐廳時先知原來Cupcake係可以外賣拎走，款式時時唔同添。除此之外，右手面果隻朱古力燕麥曲奇($25)其實幾吸引，無奈呢餐食完真係太飽，下次點要黎主攻朱古力甜品！
張貼
