影片
更多
2011-11-08
3183 瀏覽
一行十五人係市區揾個地方BBQ真係傷腦筋大路如菲律賓會等食物質素普通酒吧任飲任食BBQ價錢又偏貴, 照顧唔到唔飲酒精既朋友做左一大輪資料搜集, 膽粗粗黎試一下呢間位於太子天台既BBQ店, 結果令人喜出望外3小時$138一個人包兩個非酒精飲品加任食普通BBQ食物, 如要非任食海鮮每人加$40, 所有飲品食物歡迎自擕而不另收費地點, 價錢, 條款等都非常合理同滿意, 但唯一令各隊員擔心既只有一個因素 - 唐七樓, 無錯, 即係要咁多位女皇由地下行七層樓梯上去燒野食最後由於都無更好既選擇, go ahead~ 揀$138餐再自備四打啤酒及少量海鮮一如所料, 唐七樓唔係人咁品, 加上如此裝備, 不論男女上到去第一件事都係休息, 抖順條氣先可以慢慢活動個天台大約係千鬆D尺左右, 迫迫地容納到50-60人, 我地一行15人就霸佔左其中一個角落, 不過得一個燒烤爐, 削為迫左D設備就有一部LCD電視位於天台中央位置, 其餘都係枱枱凳凳, 簡陋既設備, 總之就係足夠俾大家BBQ食物方面亦都係D大路既野, 雞中翼腸仔芝士腸豬牛雞扒金菇茄子等等, 味道係可以接受既正常, 其中鱿魚鬚老闆話係親自調味, 有D
大路如菲律賓會等食物質素普通
酒吧任飲任食BBQ價錢又偏貴, 照顧唔到唔飲酒精既朋友
做左一大輪資料搜集, 膽粗粗黎試一下呢間位於太子天台既BBQ店, 結果令人喜出望外
3小時$138一個人包兩個非酒精飲品加任食普通BBQ食物, 如要非任食海鮮每人加$40, 所有飲品食物歡迎自擕而不另收費
地點, 價錢, 條款等都非常合理同滿意, 但唯一令各隊員擔心既只有一個因素 - 唐七樓, 無錯, 即係要咁多位女皇由地下行七層樓梯上去燒野食
最後由於都無更好既選擇, go ahead~ 揀$138餐再自備四打啤酒及少量海鮮
一如所料, 唐七樓唔係人咁品, 加上如此裝備, 不論男女上到去第一件事都係休息, 抖順條氣先可以慢慢活動
個天台大約係千鬆D尺左右, 迫迫地容納到50-60人, 我地一行15人就霸佔左其中一個角落, 不過得一個燒烤爐, 削為迫左D
設備就有一部LCD電視位於天台中央位置, 其餘都係枱枱凳凳, 簡陋既設備, 總之就係足夠俾大家BBQ
食物方面亦都係D大路既野, 雞中翼腸仔芝士腸豬牛雞扒金菇茄子等等, 味道係可以接受既正常, 其中鱿魚鬚老闆話係親自調味, 有D驚喜
(以下係自備既海鮮同調味料, 純粹showoff 一下)
老闆見到我地又蒜蓉又蔥花辣絲, 不禁冷冷一笑: "使咩自己帶黎呀, 我地呢度咩都有呀, 下次黎問我拎咪得囉!"枉我兩條麻甩佬攪哂所有海鮮調味料, 切蔥花都切到手斷....不過下次黎可以輕鬆好多喇
老闆提供的食物, 整體味精唔錯開始要讚下呢度喇
每一個爐有4個長鉗俾人處理食物, 非常充足
有個夾網俾大家燒鱿魚同埋網燒牛扒, 夠細心
最令人感動既係老闆不請自來, 為我們炮製食物, 其中佢燒既茄子真係一流頂, 原條唔用錫紙燒, 岩岩好燒濃左個皮, 一切開入面D肉非常爆汁
另外老闆亦不時分享每一樣食物落咩調味料點燒最好味, 同時自動奉上所需既調味料, 好鬼殷勤
(不過大家口味唔同, 我地好有主見地唔係每一樣野都跟老闆既意思去做)
地點食物環境服務, 絕對令人有再幫襯既意慾, 今時今日咁既服務態度咪岩囉
張貼
